至尊重慶雞煲

本來今日係約左西藏團友出嚟食飯，好可惜最後個個都甩底，今日只係得返我同要藏細佬出嚟食飯。

反正得我地兩個人所以我就揀左近近地的旺角，起openrice見到呢間雞煲好似幾出名，所以就打左電話去book 位，但原來book 左位都要等半個鐘！

我去到比起book 枱時間遲了足足半個鐘，去度見到有好多人起度等緊，而個reception 就唔知去左邊度......唯有企起度等。本來唸住遲左咁多要從新再排過，點知個reception 又即刻比位我，只係話左我兩句做乜遲咁多先至度。

估唔到兩個人食個雞煲都咁大個，仲要個雞都幾好味，少少辣又帶有少少甜，食完個雞煲再加湯就可以打邊爐....

時間過得好快，食完都差唔得十二點，埋單一d 都唔貴$138，仲免收加一，汽水任飯，打邊爐配料都係任食，真係幾平，唔怪得知咁多人排隊啦！

希望下次可以約到西藏的團友出嚟食飯啦！