Pekkle 網袋

month end 竟然都可以咁早放工，真係好開心見咁早走，所以有少少時間可以去買返之前未買到的pekkle 產品，之前起吹先生個fb 度見到這個網袋已經好鐘意，奈何轉工後真係唔方便成日去mk，再講每次我四出去搜尋我想買的物品，次次個結果都係買唔到，所以我決定隨緣，如果有緣的話就算我唔去搵我都可以擁有。為左這個網袋我並沒有隨緣，行左幾間sanrio又無，唯一一定有的地方當然係征服啦！點知都係要行左兩間征服先至搵到，越來越鐘意去征服新開個間鋪，地方又大，可以自己慢慢揀，又唔會有人理我。

這個網袋真係好靚，顏色又鮮艷，最重要係設計上好有創意，個網袋反轉左仲有一個半格的拉鏈袋，咁細格可以用來當筆袋用，大格就用來放notes 設計真係好適合我呢d 讀書人用。而價錢都好合理，一袋兩用都只係$23.00。