神阻擋驕傲的人、賜恩給謙卑的人。(雅4:6): 九寨溝、黃龍之旅 Day 3

2012年10月17日星期三

九寨溝、黃龍之旅 Day 3

今日的行程就係去最主要的觀光地點-九寨溝，之後藏民家探訪。今日行程都唔算十分辛苦，大概五點幾就可以離開九寨溝。因為現在係去九寨溝旺季，導遊話現在每日會有四萬遊客進溝，為了爭取最好的時間去觀賞，所以今朝早個morning call 時間都比較早，大概係5:45，早餐就係起酒店食自助餐，不過九寨天堂洲際大飯店的自助餐就唔係咁岩食。

大概8點15去到九寨溝的正門，已經見到人山人海，即個九寨溝的正間都被人群包圍住，多人到不得了，真係好難想像點同這班人迫去睇風景。導遊之前已經建議我地包車去遊覽，九寨溝內有包車的服務，如果唔包車可以選擇乘溝內的環保巴士，但於這個旺季點真係好難想像點先至可以迫得到上車。因為我地呢團得19個團友，所以我地可以包部細車，包一部細車要RMB4,800，我地每位團友share每位RMB260。包車真係好方便，司機根據導遊的指示載我地去觀光，當中有些時候要落車行不過都唔算行好多路。就係咁我地可以避開人群去到一些少人去的地方觀賞，之後再返早上較多人去的地方。

遊覽完九寨溝之後，就去另外一個自費節目-探訪藏民，這個環節好似係RMB170，初時仲以為係可以見到一D 好傳統的藏民，但當去到這戶藏民的家後感覺好商業化，好多環節都係好似被逼比錢咁，如果有機會跟團去九寨溝這個節目絕對唔值得比錢去。藏民變得商業化完全無左西藏的特色，不過我地就可以品嚐到西藏的小食，雖然我都去過西藏但係我就未正式食過道地的小食，今次都係第一次食，西藏的食物唔係咁岩我的口味。今次仲可以試埋青稞茶及青稞酒。青稞酒比較特別，係用青稞磨成粉，加入牛油及糖沖入熱水略搞渾後便可以飲用 (只係略搞便可以如果唔係就會變成糊狀)，味道幾特別；至於青稞酒就同一午起餐廰飲個D味道好唔同，下午飲個隻味道似蘋果酒，而起藏民家飲到的青稞酒應該係最正宗。

夜晚就去左打邊爐，主要係食菇菌類，真係好多不同的菇菇放晒起張枱度，得好少肉食，岩晒我，打邊爐其間放生了一些小插曲，就係電力短路，搞到有一枱團友無得打邊爐而我地就無事可以繼續食。

今日活動好輕鬆好早就可以返酒店休息。大概九點左右啦，本來係想起酒店做SPA但係明天又要好早起身所以我地最後打消了這個念頭。