濕平的藉口

每年總有幾日唔記得化妝就行出街，講出嚟都覺得係一個笑話，我每日都化個全妝先至出街，何解會唔記得化妝呢？

咪就係因為我之前去學左化妝，呢個仲笑話，我學完化妝之後，個人比較崇尚自然，加上我皮膚的膚質都唔差，所以連粉底都唔搽，就襯住呢個機會比皮膚好好休息一下。

因為對眼唔夠精靈同埋我自己係無眉道姑，所以就算唔搽粉底我都會畫返條眼線及眉！

唔搽粉底已經為持左個幾月，so far 都OK只係有少少暗瘡印呢個我自己係接受到的，如是者我每日只係畫完眼線及眉就出門口真係慳返好多時間。

每次唔記得化妝都係因為我老豆起我後面不停講野，顧住答佢又係唔記得畫每日最重要的一環！

今日搭車返工時見到有一個人好犀利，佢可以用左手畫左眼、右手畫右眼，雖然佢晝到對眼好嚇人，但我好佩服佢左手畫左眼、右手畫右眼呢個技巧！！！

起我不斷望住佢個對好驚嚇的眼時，我先至唸起我自己今日唔記得晝眼線，個心即時好唔舒服，無法我本來係一個唔化妝唔會出街的人，到我習慣左唔搽粉底，我都堅持要有條眼線，連最後防線都忘記了，真係好唔舒服。加上我身上並沒有帶備化妝品，所以有少少荒張！

lunch time 即時去sasa 入返貨，同埋亦都係一個好好的機會比我買之前我想買的眼線夜！

因為之前學完化妝，所以好想買一支假眼睫毛夾，次次都係咁，想買的時候點搵都搵唔到，到搵無可搵侷住買左一支之後就見有好多唔同款出現，以下hello kitty 呢款其實係上次星期已經見到不過見佢都幾貴，所以唔捨得買，但我用過之前自己買個支假眼睫毛夾又唔係咁好用，眼前呢支睇落真係好好，個濶度又合適，所以今日又忍唔住帶埋佢返屋企！

另外，無意間又見到一個盒仔，個size 好岩用嚟存放假眼睫毛，之前又係搵極都搵唔到今次見到見佢又唔係十分貴只係$12，所以就買埋佢啦！