5th blood donation

不經不覺又到可以捐血的時候，由第三次捐紅開始我捐血的過程變得好順利，每次都能於十分鐘內完成整個過程，因為我唔打麻醉針，所以咭針痛唔痛真係好睇紅十字會D 職員的手勢好唔好！

今日本來諗住去左填完表之後去食野，食完之後先至再上返去捐血唸住可以唔駛等，點知今日食完野之後再上返去要重新拎飛等，今次個如意算盤打唔響！捐血成個過程大概係要兩個鐘，對於分秒必爭的我真係好奢侈。

幾個月無去捐血，今次再去又有少少野唔同左，今次去到係會驗左血紅素先，之後先至再入房見姑娘探熱，姑娘一見到我份表就話你個數好靚 12.8 (指我個血紅素)，佢話好多女仔都底於11，而底於11即係貧血，或者其他因素...感恩主賜我健康的身體！

紅十字會現在正進行推廣，凡於六個月內再進行捐血可以獲得一個為期16日的口服鐵質補充劑，目的為我補充返因捐血而流失的鐵質！

今次吉手指吉到我瘀左添......