涼拌青瓜

近來睇得肥媽的節目，又令我想入廚，今次試下整涼拌青瓜先，記得好耐之前我都整過一款跟亞蘇學的涼拌青瓜，不過今次調味汁再經我調配過味道更加出色！

青瓜要用刀拍散 (可以令青瓜更易出味，如果唔想D青瓜醉彈到四圍都係，可以將青瓜放入保鮮袋內才拍)。拍散青瓜後可以放鹽醃青瓜，將青瓜的水份逼出 (令青瓜更加爽口)，醃大約三十分鐘。

用鹽醃青瓜的同時，可以開始整蒜蓉，平時我自己鐘意磨蓉，不過磨蓉後就沒有了蒜頭的口感，所以我今次都係用刀切碎，起整完蒜蓉的同時，用鹽醃青瓜的時間又差唔多夠啦，將青瓜水倒去，再放入調味汁醃三十分鐘，一碟美味可口的涼拌小色就完成了，可以放入雪櫃入雪凍食又得，就咁食又得！

材料：青瓜
調味汁料：鎮江醋、蒜蓉、魚露、糖、麻油、酒、辣椒

後記：表面有刺的表瓜比起平滑的更加爽口