奇趣餅家~公仔餅

今日去買完花順道去花園街，因為臨近中秋，電視的中秋廣告一浪接一浪，就係咁就提醒了我，又係時候可以食到公仔餅。所以今日就順道去買埋，舊式餅鋪我自己就最意食位於花園街的奇趣餅家，日日新鮮出爐，味道又正中。

點解我會識公仔餅這個食品，完全係因為一位舊同事，起我年少無知時請過我食，我仲記得個時個同事住大埔，佢話起佢屋企D 餅鋪賣只係$1/件，時至今日物價飛漲，今日我買的3件公仔餅已經要$10。

公仔餅係D 乜嚟？其實係造月餅皮用的材料，以前的餅店會將造完月餅用剩的月餅皮材料，用月餅模印成豬、金魚、佛等的形狀，但不放任何的餡料。亦都有餅店會將豬形圖案的公仔餅放入一個好似舊式花藍的籠內，所以又稱豬籠餅。豬籠餅可以於奇華買到但係價錢就比較貴。