因為工作實在太唔開心，所以又要做一D可以令到自己開心的事情啦！種花係一件最能令我開心的事情，因為每日可以慢慢睇住植物的生長亦都係一件樂事。
今日天氣放晴而且十分之炎熱，真係熱鬼死我啦！我帶住之前開唔到個盤S516+去發叔度換過第二盤，途中都好怕太熱的天氣會熱死盤盤栽，好在最後有驚無險咁將盤花帶返比發叔。發叔本來話唔須要我將盤S516+帶返去比佢，佢話送左比我，因為我實在無咁多空間去放咁多花，所以我最後都帶左佢去比返發叔。
一入度去就比返盤S516+發叔，之後發叔就即刻去拎返盤開到花的比我，仲比個花冧我睇真係開到先至比我。
可能今日太熱，所以無乜人入去發叔到，我可以四圍行去揀花，本來都係想去帶走S712+，同這盤花真係有緣，今日睇都無睇個牌，我一拎起就問發叔係咪S712+，就係咁我就揀好了我的第一盤花。
之後四圍行，見到起中間個幾排有好多盤505，於是我好奇咁問發叔做乜咁多盤505，D 花開左係咪好靚，發叔話我見到相實鐘意，其實我都幾鐘意佢D 葉的紋理，所以我又帶埋佢走。
我臨走時發叔又介紹左一盤花比我S615+，我只係睇相就已經好想帶佢返屋企，但係發叔只係得幾盤花苗，發叔本來叫我下次再來買，因為佢都係剛剛購入這個品種，如果我現在買會好貴，但我實在愛不惜手，所以好想帶埋佢走。本來只係想帶兩盤走，又係人生交叉點，3揀2要邊盤好呢？發叔話帶走S712+啦，這個品種較新同埋正在開花，咁即係得返505可以放棄，之後發叔話505 都係$40，帶埋佢走啦！其實都唔係錢的問題而係地方，發叔當然知道啦，佢只係想作弄我。最後3盤都帶走左，而最貴個盤係S615+ $300；S712+ $150。
今日又向發叔請教，為何8號的葉越生越細塊，終於都發現完來之前發叔話定期用洗潔精開水淋花，唔係淋係用噴壺噴葉面及盤底，因為我係淋所以泥土中的鹼性較高，令到葉越來越細，發叔叫我換過D泥再過多一排就無問題。
S615+ Rasberry Halo Sport
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
S712+，佢開的顏色係淺紫色，這隻紫色真係好靚！
~~~~~~~~~~~~~~~~~~~~~~~~~~~~~~~~~~~~~~~~~~~~~~
505 Rob's Delicious
~~~~~~~~~~~~~~~~~~~~~~~~~~~~~~~~~~~~~~~~~~~~~~
這盤花係發叔換比我的S516+
這盤花係發叔換比我的S516+
沒有留言:
張貼留言