Turkey ~ Day 7

今一第一站係參觀加柏都斯亞 (Cappadocia)~地下城：洞穴生活已教人難以想像，地下城更令人驚嘆，加帕都斯亞開挖出30多座，深入地下8到10多層不等。 地下城一看即知是基督徒避難住所，有臥房、廚房、集會區等空間，奇異的是深入地下數層，仍不感覺呼吸困難，狹窄通道僅容一人穿越，複雜如迷宮，為抵禦阿拉伯人，機關處處，只要一啟動，大石頭就會落下或滾出來擋住通道。
車程往安卡拉途中會經過鹽湖，所以可以順道去參觀，鹽湖是土耳其第二大湖，枯時位於海底，岩層內富含鹽分，鹽湖的湖少比較淺，經過太陽的照射將海水蒸發而形成閃閃發光的鹽湖。不過春天唔係參觀的季節，所以去到睇唔覺得又乜野特別。
參觀完地下城又要趕車往土耳其首都~安卡拉 (Ankara)，車程大約6個鐘，而下個景點係國父紀念館閉門時間是下午4點，所以又係好急趕。

安卡拉為土耳其的首都，四面群山建築物依山而建，實為一座山城。

土耳其國父~凱沫爾 (Mustafa Kemal Ataturk) 的靈柩位於國父紀念館內，而凱沫爾是土耳其國民心目中的英雄，他推反奧圖曼帝國、解放土耳其女性給她們自由度更大。其實土耳其國父同我地無乜關係，所以參觀呢個地方亦無不太大感覺，不過可以於館內睇到手槍拐杖。

今日我地成班團友出左去食羊架，好佩服Ben對工作的熱誠，雖然扭親隻腳但依然帶我地出去食飯，呢個節目並唔係行程內，只係我地自己要求而已~~

Turkey ~ Day 6

起我部相部到我唔係好察覺自己有仙境煙窗的相片，但我記得行程中係去過呢個地方，好石容易終於都比我搵到幾張相片係仙境煙窗，回想返完來係我地要趕住去坐Safari，所以匆匆咁停留左十幾分鐘就離開了，所以對呢個地方有少少模糊。

加上起呢度影相時，Ben 為左幫我影相時唔小心扭親，真係令我覺得超唔好意思，好佩服佢的專業，令整個行程順利完成！

仙境煙窗 (Fairy Chimney) ~由於火山爆發，整片大地被熔岩或火山灰覆蓋，經過長期的風化侵蝕，形成了現有的地形。這衰有火山岩砌成的幾百座像金字塔船尖岩與無數懸崖、深谷。

下午三點坐Safari出發往奇石林深入觀賞獨特的景區。

仙境煙窗

Turkey ~Day 6



坐完熱氣球之後就去參觀陶瓷工場，土取其的土質適合製造陶瓷器皿，因此男性多數從事陶瓷製造，自古以來如果土耳其的男士未能做出一個精美的陶瓷係無法結婚的。

這間陶瓷館內的製品手工精細，但價錢索價都驚人，雖然土耳其四圍都有類似的作品，但係論手功、畫功，真係值得買，本來我係睇中左一隻杯價值USD185，不過佢太細隻，如果唔係我買左啦~~~到今日返到香港仍然對隻杯念念不忘，心裏不禁有一點點的後悔~~~~

有一位團友Linda 買了一幅價值原價USD790的五餅二魚的陶瓷畫，最後Ben 講價後USD700成交。

參觀完陶瓷工場之後行左過隔離的珠寶店，主要係睇土耳其松石，珠寶手飾一向都唔係我杯茶！

今日行程真係好急趕，參觀完珠寶店之後下一站就係居里默~石中教堂公元七世紀阿拉伯人的統治下，基督徒由於受到宗教逼害，便逃走到居里默 (Goreme) 避難，虔誠的基督徒為了堅守信仰，並在火山灰形成的岩石裏興建洞穴教堂、修道院、房至等，成為了一個洞穴社區。石中教堂的建築挸模和裝飾一絲不苟，圓拱形頂部壁畫記載了大量聖經故事，用來傳教的講經台和聚會廳也一應俱全，盡顯教堂莊嚴和神聖的一面。

之後再搭車去孔亞 (Konya) 地氈工場，土耳其的地氈好出名，有的是由絲所做，地氈的毛線的顏色用上全天然野生植物的根榨汁夜染色而成。每幅都由人手編織而成，每個女工的手工都有所不同，所以每一幅地氈都係世上獨一無二的作品。由於全手製所以價錢方面都相當之貴，細細的一塊都要成$4,000，不過香港潮濕加上地方又細，所以都唔係咁適合用地氈....都係開下眼界~~

Turkey ~ Day 6

人生的第一次坐熱氣球 (Balloon)，本來出發前係決定左唔玩，因為安全起見，但係咁難得去到土耳其，唔坐又好似浪費左個旅行，好在出發前珍珍比左信心我，佢叫我為坐熱氣球而祈禱，如果心裏有平安就咁坐啦。

到Ben 要收錢時我都仲係有少少疑惑，所以未有即時報名，當我祈完禱再醒起要報名時已經過左deadline，本來都唸住算唔玩，但係第二日再問返Ben仲可唔可以報名，佢話收左錢先，如果報唔到名，就退返比我，感恩最後我都係可以坐balloon~~~

原本以為可以坐起balloon 度睇埋日出，不過今日雲層好厚，到我地升空後只可以見到已經升起的太陽，但感覺依然係興奮！

Turkey ~ Day 5

今日第一日最長車程的行程要搭十個鐘的車程往加柏都斯亞，所以全日都只係可以留起車上瞓覺或者睇書，中途旅遊巴會經過一D 加油站，我地可以落車行下休息下。


而中途經過一個駱駝商旅酒店，這個地方係自費參觀，不過Ben 話唔值得比錢去睇，所以經過時放低我地呢個個地方休息，雖然唔值得比錢入去參觀，不過都比我地起出面影下相！


搭左咁多個鐘車程，終於都返到酒店，休息一會之後就去食飯，而今日唯一一個活動就係肚皮舞表演，個表演初時係一d 好普通的舞蹈非常之悶，不過最爆笑係有兩個公仔走出場，同埋肚皮舞表演的環節。

Turkey ~ Day 4

開心的時間真係俏俏地過去，今日已經去到行程的第四日，今日去的景點多左少少。
首站係以弗所古城 (Ephesus) 位於土耳其西南部，距愛琴海不遠處的古薩達斯Kusadasi 的以弗所古城 (又稱艾菲索斯古城) ~ 原本是海琴海的一處港口，東羅馬帝國時規模最為龐大，圖書館、大小劇院、市集、寺廟、錢莊、醫院、運動場、澡堂、衛生間和妓院也一應俱全。可見當時的城市規劃並不簡單。

塞爾瑟斯圖書館 Library of Celsus可說是以弗所古城的地標。館內四尊女神雕像，分別代表善良Goodness/Arete、思想 Thought/Ennoia、知識 Nowlege/Episteme、智慧Wisdomw/Sophia。可惜被反偶像崇拜等因素破壞。也曾歷地震的圖書館，雖只剩下正門依然挺立。經過了圖書館，走到大街的盡頭，就是現存在土耳其最大規模的古羅馬劇院，依山而建的大劇院 The Great Theater，建於公元前三世紀，超過一百八十度的扇形舞台，雖然當時沒有電子擴音設備，從設計上也能滿足在座最多二萬四千位觀眾。當時羅馬帝國皇帝舉辨會議、年度音樂會和其他節慶。

耶穌被釘十字架前，託付約翰The Gospel of John照顧聖母瑪利亞Mary (mother of Jesus)，並在以弗所城東邊六公里處的山上隱居，這小石屋在1891年10月18日，被法國教士Abbé Julien Gouyet發現，及相信聖母瑪利亞在此終老，小石屋最後被梵蒂岡認定為母瑪利亞之家House of the Virgin Mary，約翰更在此完成『約翰福音』。

搭車途中經過埋皮革店 (leather shop)，所以我地又順度去參觀，呢間皮革店有catwalk 睇，我今次有幸被邀請上台做model 表演，個感覺得係好開心。本來睇中左一件皮褸，雖然d 皮係好靚，但實在係太貴，加上起香港又唔係咁多時間可以著到，所以最後我都無買到，等我再唸下先有機會先至買啦！  

棉花堡 (Pamukkale) ~ 遠看是一個白色的山丘，近看是棉花般的石層。由於溫泉水不斷從地下湧出，夾雜著的礦物質殘留在表面形成岩石層，石灰岩表面鋪滿了堅硬無比的天然石紋，幾經溫泉水沖洗也不被磨掉。也因為泉水中的石灰物質比較多，使岩石層變成白色如棉花般。世界的自然奇觀有很多，但容許你親身踏進去的卻很少。

因為土耳其的食物唔係咁岩我食，所以今晚我地一班團友約左出去食羊架，可惜行左半個鐘都搵唔到downtown，最後唯又都係返酒店休息！我地成班團友決定第二日投訴ben因為佢唔等埋我地一齊出去，不過又唔怪得佢個段時間係佢自己的私人時間。

以弗所古城 (Ephesus)

Turkey ~ Day 3

巴格門古城，亞歷山帶的門徒建造出來。

古城位於巴格門市內的山上，在尤美尼斯二世統治時期，是王國最富裕及鼎盛的黃金時代，尤美尼斯在位的36年間，城中興建了著名的宙斯祭壇、雅典娜神殿，可惜地震後只剩下幾根石柱。巴格門古城之所以出名，因為它是繼埃及亞歷山大港後，擁有世界第二大的圖書館，藏書量達20萬冊之多，埃及人怕他們取代其位置，便斷絕供應做圖書的莎草紙，後來巴格門學者就發明了以羊皮代替莎草紙書寫，更成為羊皮卷的發源地。

在神殿下面發現由很多拱門組成的建築物，一邊就是圖書館所在地，但因年代久遠已全部崩塌；另一邊原來是古時的銀行，還保存得很完整，當時山上圍城是有錢人及貴族的聚居地，治安較好，所以連山下平民也拿財產上山保管，以策安全。這些拱門同時是神殿的地基，多個拱門頂部連接後就可成為平地，然後在上面興建神殿。在多個神殿中，最宏偉的是羅馬圖拉真皇帝的神殿，現在還可見到雕刻精緻的白色大理石柱，達12米高，本來神殿有80多條柱，現在修復後重現其中15條。古城還擁有世界最斜的大劇場，長達250米，共有80排座位，從這裏可以俯瞰到全市景色。

乘覽車往巴格門古城

巴格門古城城墻

Turkey ~ Day 3

特落伊 (Troy) ~木馬屠城，希臘神話的古城，大概在公元前九世紀，希臘詩人荷馬著作了「伊里亞德」。這是一部有關特洛伊人和希臘人戰爭的故事，一些希臘士兵躲進一隻特製的巨型木馬，進入特洛伊城，他們把城門開啓，好使其餘的希臘士兵進城把所有特洛伊人殺死，這場戰爭持續了十年，結果希臘人得到最後勝利。

希臘神話中，3位女神：天后希拉、智慧女神雅典娜與掌管愛與美的阿芙洛蒂，為了奪得寫著「獻給最美麗的女人」的金蘋果，使出渾身解數賄賂巴利斯王子，分別開出名、利與美色3大條件讓特洛伊的王子巴利斯抉擇，最後，巴利斯選擇美色，成為特洛伊戰爭的導火線。
當時海倫是斯巴達國王曼尼勞斯的妻子，也是當時世界上最美麗的女人，在阿芙洛蒂女神的幫助下，巴利斯王子趁海倫丈夫離家將她擄回特洛伊城，曼尼勞斯一怒之下，號召希臘各城邦揮軍攻打特洛伊。

希臘軍隊還是無法攻下固若金湯的特洛伊城，最後，希臘將領命人打造一隻巨大木馬，裡頭藏了大批精兵，假裝撤兵，特洛伊人欣喜若狂下將木馬推進城裡大肆慶祝，等到半夜，希臘士兵衝出，以大火將特洛伊城摧毀殆盡。走進特洛伊古城，除入口聳立著由土耳其政府仿造的木馬模型，特洛伊這個昔日光輝的城市，只剩斷垣殘壁，到處是崩壞的石堆。 

Troy

Turkey ~ Day 2

話咁快就搭了接近12個小時的飛機，終於都抵達伊斯坦堡 (Istanbul)。落機時都仲係當地時間5:30a.m.，落機後起機場休息左一陣，換埋里拉就上車出發往Istanbul。
今次預到一個好有經驗的領隊+導遊，所以佢一朝早個天岩岩光就大左我地去藍廟 (Blue Mosque)及聖蘇菲亞大教堂 (St. Sophia Museum) 影相先，之前講解完所有的地方及建築的歷史之後就參觀藍廟。
伊斯坦堡 (Istanbul) ~ 是土耳其最大的城市及港口，是土耳其的經濟和金融中心。歷史上稱之為拜占庭及君士坦丁堡。
藍廟 (Blue Mosque) ~ 正式名稱是 "蘇丹阿密清真寺 (Sultan Ahmed Mosque)，建於1609至1616年，是鄂圖曼帝 (Ottoman Empire) 煇煌時代的傑作。由於廟的內牆鋪滿了藍色磚塊，因而得名。廟外共有六座拜望塔(宣禮塔)，數目剛好與麥加聖城的回教廟相同而惹起當地人不滿，之後麥加的回教廟多建一座拜望塔 (宣禮塔) 才平息了糾紛。原來是四百年前的一場誤會。鄂圖曼帝國君主，蘇丹阿密特一世 (在位於1603-1617年)為了彰顯功績，不惜興建了史無前例的六根叫拜塔清真寺，按照伊斯蘭教規定，清真寺的叫拜塔越多。表示該寺的地位越崇高。藍色清真寺跟當時聖城『麥加』的大清真寺的叫拜塔數目相同，可算壞了法規，最後蘇丹阿密特一世要捐錢到聖城『麥加』去，加建多一根叫拜塔，彌補這次錯誤。 遊客如非穆斯林，請由側門進入，為表裝重；煩穿短褲、短裙、背心等，必先披上圍巾和脫鞋才能進入寺內。
杜馬伯爵水晶皇宮 (Dolmabance Palace) ~ 建築充滿歐洲色彩，設計以水晶為主，藏有全球最大的水晶燈重達4.5噸，即使是蠟燭台、樓梯柱都是以水晶為建材，另藏有世界最大的波斯地氈、黃金鑄造而成的用品，天花浮雕華麗。
博斯普魯斯海峽遊 (Bosphorus Cruise) ~ 博斯普魯斯海峽是介乎歐洲及亞洲之間的海峽。

達達尼海峽 (Via Gelibolu) ~ 為於瑪爾瑪拉海和愛琴海之間的海峽，像博斯普魯斯海峽一樣，但不同之處是它住於瑪爾瑪拉海之間，前往加利波利市，此市名源於1951年第一次世界大戰中，土耳其軍隊曾以此城成為對抗英國、澳洲、紐西蘭、法國和希臘之軍隊，史稱為 "加利波利戰役"

聖蘇菲亞大教堂 (St. Sophia Museum)

Turkey ~ Day 1

因為要清假，所以再度安排左今年第二次的旅行！個人喜歡放假能夠得到真正的休息。因此，必須要遠離香港這片甚麼都忙一餐的地方，當然科技發達依然都可以上網聯絡，但係我自己會斷絕與外界接觸這樣才可以令到我得到真真正正的休息！

每個人追求的生活都唔同，如果自己能夠應付得到，我係讚成及時行樂！

今次去的地方非我計劃之內，本來應該係8/2/14出發去哈爾濱，但最後唔成團，而假期亦都因為朋友要想轉團而更改，可惜最後被放飛機，無可奈何下又唔想再將個假期改來改去，而咁岩比我搵到呢間旅行社係保證成團，最後唯有自己一個人出發，雖然我對土耳其完全無印象，不過跟團唯一一個好處係乜都有人幫我安排好晒唔駛唸！！咁就真真正正可以享受到一個悠閒的假期。

Standard Chartered Marathon 2014

又係人生的第一次~~人生第一次的半馬！！！

我之前一直都以為跑步只係靠對腳，但當我真真正正開始練習先至知，原來跑步係有好多方面的配合，包刮心費功能、體力、耐力......我自己都知道練習不足，報名之前朋友同我講過因為有時間限制，如果未能於指定時間內到達某個check point 大會係會安排車送走我地；所以我好安心咁報名。

今日凌晨3點鐘就起身準備，因為當日係會封路所以唸住去旺角搭地鐵過去，同埋我呢個路痴唸住個個時間個個都搭地鐵去跑，心唸到時跟住人地行一定會去到目的地！誰不知如意算盤打唔響，我約4點去到旺角點不知銀行中心個閘口無開到......最後咪好戇居咁起旺角搭的士過去囉，早知係咁一早起屋企呢邊搭唔駛行嚟行去，再有機會跑的話我一定會搭的士去會場，咁仲可以瞓多半個鐘等我有足夠的精神跑。

去到會場見唔到有好多人，所以有少少擔心最後都搵到寄行李的地方，因為本書話要早一個鐘頭去到寄行李，過左時間無得寄，初時我唔唸住寄行李，但因為天氣凍我都要著羽絨出去，如果唔寄行李我件羽絨點算呢？最後都係去左寄！

之後就去左起跑點，時間岩岩好，去到就已經起跑，初時因為人太多都唔駛點樣跑，到去到佐敦就已經開始人已經開始疏散，已經係要開始跑，去到個個位已經過左1km我已經開始無氣想停，但係我兩位好好的朋友話依加仲早等埋我一齊，所以我頭2km 都係咁跑無乜點停，人開始越跑越遠，我同佢地講唔駛我，因為我唔想阻住佢地，點知佢地同我講唔好咁早放棄，點都要跑到去折返點先至可以坐車，仲叫我去到折返點影張相比佢地睇！

當我地到3km的時間我就已經好想坐車走，但係仲未有車，我不斷的回望目的只係尋找傳說中的巴士送我去終點！沿途不斷有好多人為跑手打氣，我今日先至知道原來有人同行 / 鼓勵個種感覺係咁好 (經過今次一改我對人冷漠的態度)。

去到10km我即刻check 下自己的時間，岩岩1:30分鐘個刻我好想跑去個牌到覽住個牌起度喊，如果唔係我太自負我已經順利完成可以返屋企休息，但現在我要繼續向前跑，人應該量力而為.....

當我跑到去12km 的時候我開始感覺到腳趾尾已經生了水泡，痛已經令我無法再跑下去。我出門口時已經搽了凡士林，但忘記了腳趾尾平時都有生水泡，所以無做足預防措施。

由入西隧開始已經係行到，當準備出西隧口時聽到有車聲同廣播的聲音，當有廣播聲時我見到前面的跑手已經即時開始跑，當時我超開心因為我以為我已經等到傳說中接跑手走的車，當車駛近時我好失望！因為唔係我等緊的車，而係警車駛過，無辦法唯有繼續行，出西隧時已經去到15km，沿途不斷有人為跑手打氣，我終於都忍唔住問幾時會有車坐，點知個工作人員答我佢都唔知，仲同我講仲有6km 比心機跑埋去啦，加油呀！既然都上左賊船我都無得揀，只係不斷行不斷唸d 鬼主意好想偷走，但無奈我之前寄左行李，同埋身上又無錢點走呢？起無得揀的程況下我最後都係成功抵達終點！我全程用左3小時42分跑，雖然係比起大會指定的時間遲左42分鐘，但係我相信只要再練習一下，下次我一定可以於3小時內完成！

去到終點要拎返我件行李，天呀！要行到去對面中央圖書館先至可以拎返，心依然繼續唸早知唔寄行李，咁我就唔駛咁煩，又凍又要行去咁遠，仲要對腳咁痛，拎完行李已經好想即刻搭的士返屋企，但係我又唔知邊度可以截到過海的士，對腳已經唔受個腦控制，心唸又封路，行去搭地鐵好遠之餘我仲要轉車，我真係唔想行咁多路，無可奈何下我本來唸住去天后搭地鐵，感謝主！當我行返去維園都唔駛我行又唔駛我等我就見到有一部巴士可以經過我屋企附近之餘，架車仲駛緊埋站......平安歸家！
返到屋企脫下跑鞋成對腳都鬆晒，在望下雙腳全是水泡，真係唔敢相信腳趾"拿"都會起水泡......雖然出發前都搽左凡士林，但係搽得唔夠呢~~

跑得咁辛苦，今晚去左8度海逸食buffet 補充返今日消耗的卡路里。

感受：終於都參加了第一次的馬拉松，由好自我了解自己的體能一開始就好自大咁報左半馬，到開始練習先至明白自己性格上的決點。到今日比賽時比一個又一個跑手超越時的感覺真係好難受，但主有祂的美意，祂讓我明白要我好好享受今次的比賽，比賽並唔係要同人地競爭而係個過程！慢亦有慢的好處可以慢慢感受神造物的奇妙，可以慢慢享天由天黑到天亮的過程，包尾去到每個水站都有充足的水比我飲，亦都可以獨享一條天橋又唔迫又舒服又唔會怕阻住人地！而最大的改變係沿途的鼓勵真係好大的動力幫力支持跑下去，只係簡單的一句加油就可以令我撐住，真係一改我個人一直覺得有無呢d 說話都唔重要的唸法。

當我去到呢個位，我忍唔住問工作人員幾時有車坐，點知個工作人員答我佢都唔知，仲叫我比心機跑埋餘下6km~~

終點在望！

大會的時間，同我個電話計出嚟個時間有少少出入

 

 

Rachel K CC cream complete anti-age care SPF 35PA++

近呢一年cc cream 興起，而我自己本身係鐘情於粉底，所以一直都無唸過買嚟試！

偶然的機會我就買了Rachel K CC cream，咪又係一個字貪平的緣固！

Rachel K呢個品牌係星加坡的品牌，但係產品於韓國生產，所以好配合到近呢幾年的韓風效應。

見Rachel K CC cream complete anti-age care SPF 35PA++係新產品，上網search 又見到好多人好評，於是就唸都無唸買左。

年紀開始大對 anti-age care 呢個名，個腦就控制唔到自己，抗皺真係不容忽視。產品現在既可以調色亦有護膚的功效真係一個產品超多用途。

我自己皮膚本身又唔係好白，但又稱唔上黑，所以我就揀左'light"呢個色，無得試色的後果當然係唔岩色，而我都不例外，個cc cream 試上面太白啦，唔鐘意......防晒度有SPF 35PA++。

cc cream 個質地比較液體狀，但係申展度低，唔係十分好推。cc cream 本身係用嚟改善膚色，所以0遮瑕度，個色咁白點改善膚色呢？唔會好笠，搽完之後上一層碎粉都可以keep 到大半日，之後當然係會甩啦；不過cc cream 又唔係粉底不能要求太多。保濕度唔算太好，要搽個勁保濕精華打底至得。

Revlon Colorsilk Beautiful Color~34

越嚟越討厭自己頭上的白髮，我已經忍無可忍，日日對住d 白髮真係好想拔左去啦，但係拔得多毛囊就會壞死，長此落去就唔會再生頭髮出嚟！所以我都係快快手手咁染髮。

我都係鍾情紅色，所以今次依然都係揀返紅色。

平時去salon 染髮見髮型師會用一把染髮梳染髮，自己平時染髮時都雞手鴨腳，所以我想試下用染髮梳試髮 $7，雖然用染髮梳係比較方便，但係雞手鴨腳的我今次都算有少少進步。

今次隻色紫紅色並唔係我杯茶，太深色啦，下次都係買返鮮紅色

COW 無添加深層溶解御妝油

好耐之前已經想試用呢支御妝油，之前起萬寧見到用萬寧會員咭可以以$51.30換購。

於是唸都唔諗就即刻換左啦，但係對佢的期望越大，失望就越大。整支都已經用完不過唔係我杯茶。

產品係無添加，無防腐劑、無香料。我自己皮膚無乜太大問題，所以可以經常試唔同的品牌！

一向純尚淡妝的我，對御妝油的要求並唔係咁高，只要御得乾淨就可以，但係呢個御妝油佢又唔係御得唔乾淨，只係個溶走面部的化妝品的時間需要耐少少，對於分秒必爭的我又唔係咁接受得到，御完妝面部完全唔會乾，就係呢點都值得買！

Pekkle 壓縮手巾

今日係年初三，無乜特別野做，行完山見咁早自己去行下街，完來農曆新年期間真係有好多鋪都開門。

無無聊聊咁行左入去trendyland 又比我發現左pekkle 的產品，初時仲等我以為係大發現，後來個售貨員話呢件產品係舊年的產品，見佢都係$22一條，我唔理得咁多都係買返兩條先至算。