淘寶購物及集運

近呢一年先至學識淘寶，而我自己覺得起淘寶買衫真係唔平，質地又未必係咁好，加上淘寶買野又要比手續費及運費，加加埋埋買一件衫分分鐘貴過起香港買。

今次因為要買去哈爾濱的保暖褲，所以去淘寶搵到一家店由係由東北人開的，專賣東北保暖衣物，我自己今次買了保暖衫及保暖褲。

因為淘寶是全中國免運費，所以我今次依然都係用集運的形式於不同的店鋪購物後一次過運送到深圳的集運倉，當所有物品齊備後就運送到香港。

今次起4家店各自買了小量的用品，全部物品共重2.5kg，運費RMB19於香港郵政局領取。用PPS或八達通比錢手續費是1.5%，平過信用咭好多。

首爾美衣櫉
呢件衫睇中了很久，但因為無乜野要去淘寶買所以一等再等，點知比我搵到呢間衣店只係RMB26.5，第一次買到咁平的衫！

實物同圖中有色差，實係藍色部份係綠色，衫的質地唔錯，咁平有色差都係預期中事。

東北保暖第一家 - 今次主要係想買保暖褲，於淘寶好易就可以搵到這家店，是由東北人開的售買的保暖褲適合於-50度的天氣穿著，實物好厚好重，摸上手好滑好暖，試穿後即刻有重發熱的感覺！保暖衫RMB110、保暖褲RMB155。

Carkoci旗艦店 - 部電話成日都壞，每次拎去整samsung都會整到我塊玻璃貼好污jo，塊玻璃貼實在係太貴，見買開野咪起淘寶搵下有無平靚正的鋼化貼，又係超平RMB12.80

蒂森特旗艦店 - 最後一樣必買的產品就係代用電，部相機的原裝電漲左，之前去問過買一塊代用電都要$135，我自己覺得一塊代用電都要$135，不如買過部相機算，後來有朋友介紹蒂森特代用電，買3塊電加一個叉電座都只係RMB77，點都要買嚟試下！