Hello Kitty & Friends Sweet Delight-No.2 Ahiru No Pekkle

hehehe......我終於都擁有兩隻pekkle 啦，其實唔係我抽中，只係我擔粗粗咁上網見到有人話可以交換，之前我抽大左隻布甸狗，有個人答應同我換點不知唔夠一日佢再覆我話唔換啦，因為已經抽中左隻布甸狗，咁無可奈何地我就放棄左！

之後過左幾日，我又見到有個人話可以交換，咁我又試下問佢想換邊隻，其實我都唔係換左好多隻，我手上只係得 Little Twin Stars，我上網見布甸狗好似好多人已經抽中，所以我今次問個個人可唔可以用 Little Twin Stars換，點知佢好快覆我話可以有興趣同我換，佢仲好似驚死我會反悔，係咁打電話比我confirm，可能係 Little Twin Stars貨量比較少，物以罕為貴，所以 Little Twin Stars成為了搶手貨，不過同我換個個人又係指定地點換，不過同我換個個人好好，佢就我放工時間，大家都知我夜放工，咁今日我8點放工去換左我心愛的pekkle 回家！

呢隻pekkle 比起我之前買個隻靚仔好多，兩隻真係夠晒數！我暫時可以唔儲印花住啦，可以留返下其再換。