salesgirl @2009 X'mas - Day 2

今日係第二日落鋪，今日要去的地點係TST，但係要9:30am到店鋪

我又係個鬧鐘不斷響，我不斷按停佢，個鬧鐘不斷重鬧

最後望下個鐘大鑊已經8:45am即刻仆起身，刷牙洗面，執執個樣但己經9:00lu
吸收左昨天搭的士的經驗，我怕落到去的士站無車所以換完衫9:10am 左右就出門口
點知落屋企樓下見到有部小巴等住我上喎
對腳又唔受個腦控制咁上左部小巴
記得起尖沙咀下車已9:25am 於是唯有急急腳咁行去間鋪
點知一入間鋪個門口就見到有兩個高層己經開始執緊貨 (我無check 過邊個會同我一齊起呢間鋪，我只係知道自己去邊就算數，但係知道對我作用都不大，我係起唔度身家啦！)
唉！唯有行埋去同佢地打個招呼，我相信我搭入間鋪我係未遲到o家
今日起童裝部分配的工作好簡單，今朝只有我 & in charge 睇住個童裝部，個in charge 同我講好在有我地班office 同事落離幫手，我答佢其實我地都係一d 無乜作為ge 人，起度只會阻頭阻勢，我又唔識幫你地賣衫，最多都係幫客人搵衫，客人問的問題我地又唔識得答，都係要問返你地，點會幫到手喎！點知個in charge 答我：我都明你地係office 人唔識sales 客人，但有我地起度好好多，起碼多個人招呼客人，同埋佢地入倉攞貨都安心d 喎。
今日d時間好似過得特別慢，望極隻錶都係十一點幾，真係好辛苦，經過昨天辛勞的工作，已經腰酸背痛，對腳攰到苦不堪言，今日全天的工作只係負責賣衫，無執貨或者fill 貨做。我見到d 外國人會好主動去招呼佢地，因為佢地好nice，相反國內客人我唔係太想去招呼佢地，唔係我歧視佢地，係我普通話講得唔係咁好姐！其實國內的遊客都好有禮貌家！
幾經辛苦終於都捱到放飯，呢間鋪都幾好大約1:30pm 就放飯，或者係有個高層起到啩！可能大家都好攰，一個鐘的食飯時間好快就完，大家都慨嘆點解呢一個鐘過得咁快，又係時候起程返店鋪工作。
食完飯返到去店鋪，in charge 話要搵人去佐敦攞貨，我聽到之後對眼又發光啦，我即刻同in charge 講等我去，點知今次又係去兩個地方，個同事安排左我先去北京道拎貨，今次拎貨又比左一個好難得的經驗我囉！！！
我從來都無唸過要攬住咁大袋衫起條街度行囉，好樣衰呀！係一個超大的透明膠袋，裝住幾件好大件的衫，個同事比呢袋衫我攞走時，我話吓唔要我咁行出去呀！(因為我見過呢個同事幾次，我咪同人地扮熟囉) 同事答我如果要用公司d 靚靚膠袋要分好多袋好難攞，咁我唯有死死地氣，火速咁將袋衫拎返我去tst 鋪。然後，又可以再去佐敦鋪勁開心，咁又打發左我成個鐘的時間！

來來回回返到去TST鋪已經5點啦，個同事安排左一份優差過我，係去後倉入會員資料，我本來唸住慢慢入，入到6:30等店長安排放工，點知呢份優差隨著客人增多，我又要出返去招呼客人，我唯有盼望住D 人客整亂晒D 衫等我多D 世藝。點知真係有個客人為左買兩件衫攤開左我十幾件衫放起將抬度，咁我咪好努力咁摺返好去，起呢個時候比個細路寸我添，個細路指住佢著緊件衫同我講：摺埋我呢件，我再望下佢，我以為佢試緊我地公司d 衫，然後佢話我尋日買，真係呢

我由5:40pm 開始望錶自己心裏起度倒數，希望快d夠鐘，呢間鋪d 同事真係好好，搭到正就放人！咁我就緊係好開心咁，叫埋另外一個企起老遠的高層快d 除名牌走人啦！