拌拌韓國餐廳

今日去左旺角剪頭髮，去到旺角當然係要搵D 好野食，成日都經過呢間韓國餐廳，間鋪好細次次都好多人起入面食緊野，所以一直都無機會試，今日唔知點解條街無乜人，就連平時好多自由人的萬寧、莎莎、卓悅呢D 地方都係無乜人，真係百思不得其解！

當我起呢間韓國餐廳門外看看個餐牌，食物價格都唔算平，一個麵都有$50左右，仲要加一，真係有一點點貴，但係我又好想試，都行入去試下好唔好味啦！

入到去職員係唔識講廣東話，佢係一個韓國人，佢放低個餐牌比我，再睇下都有午餐，價錢比起餐牌上的食物平左少少，仲要免收加一，雖然係有午餐，但係個價錢都唔算抵食，而我想食的韓國泡菜麵都列入左個午餐餐牌內，仲平有$10，所以唸都唔唸就order 左韓國泡菜麵$35。呢個麵係一個冷麵，本來係想食熱野，點知嚟左個冷麵....

麵上只有半個雞蛋及少少泡菜，麵就好多，夠飽但係餸太少，唔係咁抵食，可一不可再.....味道係好正宗的韓國味道，不過都係用韓國的泡菜醬拌勻，超級唔抵食！！！

Zoom 近少少，D 泡菜係咪少到睇唔到呢！