燜燒杯

研究左幾個月的燜燒杯，本來已經打消左購買的念頭，估唔到我終於都買左啦！

最後決定買個750ml燜燒杯$428，因為燜湯個杯大個d會好d。今日買仲送左個袋，用嚟帶飯都幾方便。

我自己係一個心大心細的人，睇左幾次都決定唔到買邊隻色，又想買桃紅，又想買粉紅，唸唸下又想買粉藍色。去買的時候本來係決定買粉紅色，但係去到粉紅色賣晒，得返桃紅色及粉藍色，最後都係決定買桃紅色。

其實我係一個唔識煮野食的人，上年年尾的時間開始留意呢個燜燒杯，本來決定左買，但係唸唸下，如果買左唔用就等於多左一件垃圾。經過深思熟慮，最後放棄購買。

估唔到因為一個小手術，而我開始要戒口，所以我就買了佢回來，遲D要返工，我就會用呢個燜燒杯帶飯了！！！

而我主要都只會用佢嚟整湯，因為湯係簡單易整，到時有可以有湯飲，仲可以食埋湯渣，咁就可以強身健體。