神阻擋驕傲的人、賜恩給謙卑的人。(雅4:6): 1月 2014

2014年1月31日星期五

新春團拜@2014

今日係農曆年初一，祝大家馬年行大運，身體健康，龍馬精神，心想事成，萬事如意，財源滾滾，日日開心，事事順利，不勞而獲！

今年都係回鄉過年，今時今日的農曆新年一點點的節日氣氛都感受唔到。大部分的店舖都係年終無休，農曆新年就好像是一個長假期咁。兒時回鄉的放煙花、燒炮丈仍然歷歷在目充滿節日氣氛，可惜的是時代的發展將好多節日的氣氛都改變。因為安全的理由放煙花已經被禁，興幸於香港每年農曆年初二都會有大型的放煙花活動……

今年新春晚飯都係出街食，共訂了四圍，每圍都有十二個餸，菜單已經一早寫好，去到坐低無耐就有得食，晚宴上仲有一瓶美酒，咁大個人都係第一次飲xo，xo酒味好醇容易入口，真係好飲，下次去旅行等我起duty fee 買返一瓶看門口先。

2014年1月26日星期日

虹吸壺咖啡煮法
1）磨咖啡豆
2）將個網條鐵鍊放返正（條鐵鍊一定要直）
3）放個網入壺，再將條鐵鍊向下拉，將個濾網與個壺鎖緊
4）將濾網個位移去正中間
5）抹乾壺底
6）倒入兩杯水
7）上面個壺打側放入（黑色膠不要掂到個入口）
8）開火（逆時針方向零）
8）水溫以見到“蝦眼”為佳，一見到有氣泡，要將個火調正較細
10）放返正上面個壺，水會慢慢升上上面個壺
11）睇下個網側邊有無大氣泡，有大氣泡因為個網放得唔好了（放得唔好會過度萃取 / 搞得太勁，酸、苦味會出晒）
有大氣泡要用棒壓返正，令大氣泡消失。
12）由落咖啡粉開始計煲50秒，要於5-10秒內搞勻咖啡粉及水，以W型方向搞勻 (好似搽蜜糖咁，用手腕力搞），搞得好咖啡會有三層，夠鐘熄火及移開，之後再搞多一次，目的是彌補第一次搞時的不足。
13）如果水溫太熱咖啡唔會流落下面個壺，可以包濕布降溫，這時咖啡會即刻流落下面個壺
14）當咖啡全部落返去下面個壺後，左手拎住個下面個壺，右手左右搖動上面個壺，等個壺蝕左氣才可以拎上面個壺出嚟。
15）清洗虹吸壺：拉條鐵鍊等個扣解開，之後搞鬆返d 咖啡粉倒左去，再清洗個濾網，濾網浸於水時必須要網面向上。

2014年1月25日星期六

Korea trip expenses list

係時候總結一下整個韓國之旅的總使費，雖然仲有大約三千蚊的港幣唔知駛左去邊，不過我估都係用嚟搭的士用左及食左的機會比較大，不過記得又好唔記得又好換左韓環的港幣都只係$9,500，其餘都係比左credit card，其實去一次旅行的駛費都幾大，求求其其都用左接近$19,000，我真係要比心機儲錢計劃今次的旅行了！

	HKD	KWR
Korea Package	6,190.00
LG Router		33,000.00
Yong Pyong-Lift		66,000.00
Yong Pyong-Ski		24,000.00
Eight Seconds		44,800.00
Home Plus		30,000.00
Lotte Mart		17,300.00
Lotte Mart		5,800.00
Tony Moly (mask)		200,000.00
Tony Moly (Cat hand cream)		19,600.00
Tony Moly (Panda hand cream)		19,500.00
History of Whoo (USD139)	1,110.22
History of Whoo (USD41)	327.74
Nature Republic (hand cream)		16,240.00
Nature Republic (mask)		50,000.00
Red Ginseng		229,500.00
Red Ginseng (W198,000)	1,580.39
Fleece Zip Up hoodie		38,300.00
Kimchi (USD16)		17,000.00
Kimchi (USD24)		25,000.00
Legging		10,000.00
Mask		12,500.00
Owl		9,000.00
Owl museum		5,000.00
Gyeongbokeung Palace 景福宮		3,000.00
Everland		35,000.00
首爾塔		9,000.00
Clothes		38,000.00
Book mark		8,000.00
Gloves		3,000.00
Socks		1,500.00
頸巾		30,000.00
Photo		30,000.00
Lunch, dinner, travelling		94,960.00
Lunch, dinner, travelling (HKD1,500)		195,600.00
Total (HKD)	9,208.35	9,500.00

2014年1月20日星期一

Korea trip day 3

今日去的地方就係全州，要搭成三個鐘車先至可以到達。全州唯一一個景點就係韓屋村~好靚！

去完韓屋村就返返去明洞食飯，今日就食左韓牛，不過呢個set 只係得個貴字二人set ₩125,000，只係第一塊韓牛係新鮮，set 入面其中一塊牛係變壞左~~~

尋日落雨，今日一出酒店就見到部電單車比雪覆蓋

飯卷~₩3,500

韓牛set~₩125,000

2014年1月19日星期日

Korea trip day 2

因為佢約左約朋友食飯，而我又唔想出席，所以我地今日自由活動各有各精彩。

自問我係一個路痴，我睇唔明個地點都算，仲要係超唔認得路，所以當初決定自己一個人去遊覽時都有少少擔心，但係我有一個超信實的天父，我相信祂必定為我安排最好的路線，我感恩我今日自己順利完成了我自己安排的活動之餘，仲比我去到一個我本來無安排會去而又想去的地方。
今朝早一早去左鐘閣站YP Books，之後好成功咁去到第一個景點~普信閣，今日天氣雖然係-11度，雖然好凍不過陽光普照所以唔覺得十分之凍。
第二站係去景福宮，其實條街係無人，得我自己一個人起條街度行，其實我都好驚自己行得岩唔岩，不過我都無得揀，自己拎住兩本旅遊書睇個地圖，但又唔係睇得好明，條街又無人可以比我問路~~~好驚。既然係自己決定唯有祈禱向天父訴說自己的心裏的恐懼......
行左好耐都未見到目的地，條街又無人心裏好驚，唯有繼續行，過左好耐終於都見到多返d 人起條街到啦，個心都舒服少少，再過多一陣我見到一個城牆心想目的地近在迟尺，好快就去到景福宮的入口了。

入到去景福宮見到有兩類門票，其實我都唔知應該買邊隻，最後都係問售票員買了當日的門票₩3,000，好快就參觀完景福宮，但係同我睇旅遊書入面介紹有少少出入，於是起景福宮內行來行去搵我想去的地方，最後終於都比我搵到，可惜係唔岩行，由於時間有限，所以我決定離開景福宮向貓頭鷹博物館出發。

離開景福宮其實都唔知向左走定向右走好，感謝主的帶領我揀了一條岩的路行，雖然沿路有好多警察但每次問路都無人識得點去貓頭鷹博物館，我唯有拎住本書起度自己研究個方向盤（其實咪又係扮睇）。行左好耐都唔知自己起邊，沿途每次問路都比人老點叫我返去明洞，好在我行行下起條街度見到三清洞，印象中起本書度見過呢個地方，但又唔係好肯定，睇返本書先至知原來貓頭鷹博物館係起三清洞附近，行到咁上下又問左一個警察點不知又係唔知起邊，不過唔緊要啦我好有信心佢係起附，條直路都差唔多行到盡頭，但都仲未見到，接近盡頭終於都比我見到指示牌，心情極度的興奮!!!
入到去貓頭鷹博館之後真係好失望，原本以為博物館係收藏了不同品種的貓頭鷹 (動物)，原來只係館主的私人貓頭鷹收藏品，加上館主又唔准影相，地點又難搵，其實都唔係好值得去....
回程時經過首爾第二美味屋，而我又未食lunch見有咁多人排隊我相信一定好好味，所以我又去排埋一份，點了最出名的紅豆粥，粥內有栗子、年糕、肉桂粉，唔係好甜，好綿滑的紅豆粥好好味呢~~
差唔多夠鐘要返酒店同朋友會合，走時唔打唔撞去左安國站附近條街，行下行下比我見到人人商場，好開心呢本來都想去呢個地方，不過唔知應該點去，但都比我去到之餘仲起呢度影埋張韓服相~~~
返到酒店休息了一會就再出動去食晚餐，是日的晚餐會去江南區食韓牛，可惜去到搵極都搵唔到間店，我地相信佢應該係結業，最後因為我好肚餓所以我去左本書介紹的另外一間餐廳食飯。
最後，臨返酒店時終於都下起雪來，係我入生第一次見到落雪.....