第一次坐凌晨機去旅行，感覺好特別，未出發前以為自己係可以於旅途中安睡，但飛機不斷的預到氣流搞到我瞓下醒下，所以落機之後個人勁唔夠瞓！
經過3個幾鐘的航程終於都到抵達仁川機場。因為我地唸住去到韓國先至換韓圜個兌換率會好D，所以我地落機時係身無分文，不過佢有少少的散紙，所以我地落機後就去左7-11買左轉國最出名的香蕉奶做早餐。
之後起機場換少少錢用嚟搭車，再起機場LG租埋個router (₩33,000/6日)，咁我地就可以隨時隨地咁起韓國上網。
起機場買埋機場巴士票後就搭巴左去東大門的酒店。
韓國的溫度比起香港係低10度左右，初時唸住巴士有暖氣所以我係無拎過件厚羽絨出嚟著，人生總有不同的經歷，因為實在係太凍，落車後真係凍到頂唔順，要起條街到打開個喼拎件衫出嚟著，著左件衫成個人都暖晒，但係我無手套對手凍到礓硬左....
好快就去到酒店，放低件行李之後我地就向明洞出發，首先搵間找換店換晒d 錢做韓圜，因為我要準備大出血，起明洞換錢個rate真係好好多，起機場換錢個rate 係130.40，但係明洞換個rate 係136.50。之後就搵左間地道少少的韓國餐廳食我地的第一餐午餐。
第1日就用左好多錢去買護膚品，買到一袋二袋咁，因為實在係太重所以要返酒店放低晒所有的戰利品之後先至可以再出動。
實在係太攰返到酒店不自覺地瞓著了，休息了個幾鐘個人精神了好多，之後又係去返明洞，去行左一陣之後就去食晚飯，食完晚飯之後我地就去左N首爾塔，去到首爾塔賣門票的地方見到有好多人起度排隊。其實N首爾塔唔係咁值得去，又多人排隊上到去都係睇返首爾夜景，個人覺得唔值得花咁多錢去。
 |
| N首爾塔 |
 |
| 八角亭 |
 |
| 首爾塔下的夜景 |
 |
| 愛情鎖樹~據說將你和情人的名字寫在鎖頭上並鎖在這裏丟掉鑰匙後，你倆的愛情就會長久。 |
沒有留言:
張貼留言