大快活~糯米雞

一直都好鐘意食大快活的糯米雞，奈何這款受歡迎的食物通常於9點半前已經售罄，我這個下午人，每每起身已經是午餐甚至乎是下午茶時段。每個星期我都同自己講我要早點身起身去食糯米雞，我每個星期都較好了鬧鐘，但係每次個鬧鐘一響我就拍熄佢，真係瞓覺比起食更加重要，如是者這個為糯米雞而掙扎的階段足足維持了9個月多，今日終於都可以一嚐這個美味的大快活~糯米雞餐，百物騰貴，今日食這個糯米雞餐已經要$23，印象中對上一次食都不過$20，請問我的人工何時才可以追得上通賬呢？

其實以我這個下午人來講，真係講都唔信我係為左隻糯米雞而起床啦！無錯，今天是有一件好委屈的事情要做，為何係委屈？鬼咩，咪係返工囉，其實真係萬般不願意，我已經連續一個月每晚9:40pm放工，我真係好攰、好攰，為的只是盡上工作上的一點負責，今朝早7點幾起身，梳洗完之後就去品嚐一隻美味的糯米雞先至再返工，食飽飽返到公司都係仲9點幾，唉！放工時...................天黑黑又差不多10點，足足工作了12小時，回顧這個月原來我每日工作13個鐘，天呀！幾時至有最低工時

話時話，時下的八十後的思想真是令人費解，話晒我自己都係一個八十後，但我想我真的與她們脫節，今時今日的人個個對工作都不負責任，個個都抱怨工作上沒有進升的空間，試問一個員工只是想每天不用勞碌就可以有糧出，這個世界並沒有不勞而獲，亦唔會有便費午餐。但我對這批怪異的八十後報以一個怪異的目光，個個都不負責任，自己做唔晒的工作又期望別人會執手尾，或者係我太out 啦，我唸我都要調節一下迎合返這班人，如果唔係我咪會變得標奇立異囉！

由上年12月開始，我已經有一個同事直接under 我幫我入機，這個同事初時的表現都幾好幾盡責，自從佢的工作堆積了一個星期都未有做完，因為公司有規定必須於兩日內完成手上的工作，於是我好心同佢講，做唔晒一係就ot，如果唔想平日ot 可以星期六 / 日返工，我相信這只是工作上最低的要求，其實出得佢份糧，係咪應該盡責少少呢，我明白你之前份工係做開AA，但無人迫你入嚟做家，亦都無人要你down grade 做clerk，所有野都係你自己的一個選擇，可能你覺覺得自己做開AA， 今日你入到嚟要你入單做T/T對你來講係大才小用，但係請你明白，每個職位都有不同的工種，我地公司只會安排這些卑微的工作給clerk做，你做唔晒係咪好應該自己想辦法呢？

我只係同佢講完ot 或者星期六 / 日返工過了幾天她就辭職唔做，而佢同HR 講離職的原因係唔想星期六 / 日返工，其實我地唔係拎枝搶去逼你要返，做唔晒先至要返咁又有咩問題呢，返工係辛苦家啦，你估我想返工咩？而這個同事辭職的理由，亦都傳遍整個公司成為了一個笑話，其他department 都走過嚟問我亞姐係咪有人唔做，而唔做個理由係咪真係要星期六 / 日返工。其他department都問唔做個同事其實又無返過星期六 / 日，其實佢真係無返過囉，所以其實部門都覺得時下的年青人好奇怪。

由佢遞信個人開始，佢將所有的voucher 全部都入錯要我執手尾，唔做咪唔做囉，係咪可以咁不負責任呢？將自己應該做都求求其其咁做錯晒就算，咁不如唔好做！我真係好想同你講你起通知期入面係有糧出家，希望你明白亦都對自己所做的工作負上一點點的責任罷！

就係佢害到我今日要返工，因為要埋數，我尋日就問個個女仔拎返d 單，今日返到去一口氣就入左一百張單，仲要check 埋其他同事入的voucher，我真係好唔明，今日返工乜唔駛盡責？佢地依家係比併邊個錯得多，救命呀！你估我好得閒咩，我都須要休息家，你地d voucher 改嚟改去唔煩家咩？我覺得好討厭囉！

下星期再有一個新同事返工，我同亞姐講唔該同佢講明做唔晒要星期六 / 日返，費是到時又好以我屈佢地返工！如果唔願意的話唔好請佢地，我無咁多時間去照顧這班不負責任的八十後！