Pekkle 賀年掛飾

尋日收到大寶寶的通知話出左賀年掛飾，好想睇下係咩樣。

眼見大家都未post，唯有去求下雪藍比d 相我睇啦！

點知佢都未買，好在佢今日買左返離，仲post 左出離比大家睇添

本來都無時間去玩具街買....

咁路過旺角咪順路上去美寶睇下囉
點知美寶都有得賣喎$45一款
我同老闆娘講
我：其實係唔係翻版離
老闆娘：堅持話自己的貨是從日本訂回來的，不會是假貨
我：但係深水埗玩具街都有得賣，仲要係一模一樣喎
老闆娘：唉！你知啦呢d公仔都係起大陸做，可能比人偷左個款出離做假貨
老闆娘：最後都要補充，你放心啦！我唔會賣假野！
其實真真假假已經好難去分辨，只要鍾意就得啦！
呢對賀年掛飾比起上年個款靚好多
不過，同上年一樣都係按掣會有炮仗聲，好有過年氣氛！