行山騙局

行山路線: 麥理浩徑7段》畔塘徑》草山》鉛鑛坳》城門緩跑徑》城門水塘主霸

 

約了8:30am 於荃灣地鐵站食過早餐之後再往城門水塘行山去，我們5人一起乘的士往城門水塘主霸，截到的士時司機話唔識路希望我地帶路，初時以為佢想趕我地落車，最後原來佢真係唔識路，佢用Google map 搵完路之後都車我們去到目的地!

 

早上10:00am 起程由城門水塘主霸開始，行去麥理浩徑7段，再去草山，原定係hea 行應該3小時可以完成，誰不知行的時間多了一倍有多，於好多行山網都係話麥理浩徑7段係有4星難度，但經過上星期梧桐寨的訓練，我自已覺得這條路線尚算行得輕鬆! 全程用了6.5小時就行完，由早上行到日落，感覺得幾特別~~

 

今日天氣真係好好雖然已經接近12月，但依然都係20度左右的天氣，去到水塘可以睇到植物於水中的倒影，唔講可以大家以為我係身處外地，香港都有好多好靚的地方，放假出去走走親親大自然，一樂也!!

 

第一次的長征，但一點辛苦的感覺都無，這條路線真係好舒服，可以再行~~

'

響玲出現於車仔麵真係幾特別，個車仔麵又真係幾好味:p