一直都好想自已親手做一個皮革小袋仔。
早幾星期團購了一張優惠卷去試做，art 對我嚟講真係遙不可及，就連打孔縫合皮具呢個動作我都係雞手鴨腳，打孔前本來是畫好了一條打孔位的線，但我竟然將打孔個位偏離了好遠。不過最後都成功做到，雖然個成品做左出嚟又唔係好靚，不過都叫成功。
團購的課堂真的不能抱有太大的期望，本來知道我今日的課堂只有6人，原先以為可以得到好妥貼的照顧，但原來同一時間導師要教好幾個不同的班，每次只會教了點做就走左去教其他班。
而我呢類0藝術天份的人，原全唔知做緊乜之餘，因為我個口金包，要自己預逢合個位要去到邊，對於一個新手嚟講真係好吃力，導師完全係無理過我，害得我最很臨埋門，要拆返個口金包邊出嚟再縫合，因為有太大的空間，造出嚟唔靚，來來回回拆了三次……
課堂本來是兩小時19:00開始，因為要預備皮及圖樣，遲左半個小時開始，最後我23:30才整好離開。
團購課堂$198，自選皮革顏色再加$50，我選了好靚又軟的粉紅色皮。
今日上堂的workshop:Timeless Leather
沒有留言:
張貼留言