閒逛花墟

眾裡尋牠，早排已經好想買一盤紫掌，奈何紫掌係比較少有的品種，所以唔係成日都可以搵到。

今日行渾整個花墟都只係見到一盤，所以就即刻買左去返屋企，我買呢紫掌$58購於鵬園花園園藝。

太耐無行過花墟，今日的花墟已經變得好高檔，好多間鋪今日都係賣精品盤栽，大部份的盤栽都包裝得好靚，每行入一間花鋪都有一種莫名其妙的興奮。

我自己對花花草草有著一種不解釋的緣。好想種植不同的植物，可惜地方所限，能力亦有限。

今日仲見到彩7的仙人掌，顏色真的好鮮艷，太美了，行一次花墟身心靈都好滿足。

近來好多人種的微型生態缸於繽紛已經有好多不同的款式，細盤$198，仲有一條小魚兒在盤栽內，真係有一刻心動想帶佢返屋企，經過多翻的考慮最後都放棄了，因為考慮到植物會長高，自己又唔係好識處理，所以都係唔買了。