講左咁多年話要買一對水靴，本來應該係上年買可惜上年去到Hunter買的時候就無碼。
到左今年4月想買Aigle 今年新出的灰+粉紅色的水靴，最後心大心細又唔知買咩色好，所以一再延遲，到左好天，天朗氣清的時候拎到boots返屋企又好似有點傻。
之前上網研究過Aigle rain boots 全人手造加上備震各方面都比起Hunter優勝。雖然Aigle比起Hunter 較貴，但感覺上係貴得物有所值。
見下星期二會落雨，所以今日終都的起心肝去買，好失望！願意比錢買亦都唔代表適合自己。起Aigle已經試晒佢地出的鞋款，因為我自己有姆趾外翻，我自己好鍾意個對太slim靴將我對腳的缺點突顯出嚟，而第二對個筒太窄 （我小腿都唔算粗，其實都唔知比咩人著），最後一對個筒太濶……無奈！
最後走左去Hunter 睇，拎上手超唔鍾意，因為實在係太重，試上腳好修，筒位剛剛好，鞋底夠濶，不過就係太重及太難除。
最後，我都係買左Hunter 仲要係我一值都好想要的墨綠色，而呢對係今年新款墨綠+橙色。用恆生credit card 有9折，原價$1,180折左$1,062。比起Aigle平左$488，但代價係對鞋超重，拎住佢返屋企好似擔泥咁……
沒有留言:
張貼留言