餃子園

其實都唔知自己去左一間咩公司做，日日OT 都唔止，仲要星期六、日呢D公眾假期都要返工，今日分分鐘又要做到半夜，到六點幾我見肚餓所以出左去食個dinner先，本來係想食蝦子麵，我起條士丹利街行嚟行去都搵唔到我想去個間餐廳，所以都唔知食乜好，起條行無聊聊咁行到去呢間餃子園，咁就入左去食，我要左酸辣湯底韮菜餃，我見佢地係人手餃子，但係就好少少唔乾淨，包餃子時無帶手套，但係包餃子個叔叔又會去收錢，收完錢就咁就去包餃子...

至於個酸辣湯的味道就普通，但係個韮菜餃就幾好味，不過我好急咁食完就返左公司做野，希望明早兩點前可以離開公司返屋企...