Hairy Crab Dinner@2011

又到食大閘蟹的季節，早一個月前已經從報紙得知，今年的大閘蟹會比上年貴，但真係估唔到會比上年貴左咁多，睇返上年Hairy Crab Dinner篇blog原來上年食兩隻蟹都係$272。

今年係我第一次同大家一齊去買蟹，雖然我係一個路痴，但係今次我自己係可以locate 到老三陽的位置，老三陽搬左去白沙道，我地好快就搵到，老三陽係老字號，我地平時都係食開陽澄湖大閘蟹，因為有保證，味道又好D，一年都係食一、兩次貴d 都無所謂啦！大隻少少的蟹有分$560/斤 (蟹約6両以上)、$640/斤、$720/斤，肉眼睇又唔覺得有好大分別，我地揀左$560/斤。原來買蟹真係快到呢，一陣間就就買左11隻公蟹，盛為$2,410.00，平均每一隻蟹$220。真係好貴但係好好味呢~~