烏蛟騰

復活節假期的第二個郊遊地方~烏蛟騰!

 

近來愛上行山，行山係一個很健康的活動，既可斷練體能，又可以吸收一下大自然的清新空氣，一舉幾得!最重要係每次行完山都可以食一餐好豐富的晚餐，這是行山的主要目的!!

 

行山路線：

烏蛟騰》九擔租》上苗田》三椏涌》三椏村》犁頭石》烏蛟騰》新娘潭

全程約行了4小時 + 中途補給站休息食飯1小時 (共5小時)
 

交通：

可以於大埔墟公共小巴總站 (新達廣場) 坐20R專線小巴至烏蛟騰
(我們去烏蛟騰個程交通係坐的士，由大埔墟鐵路站往烏蛟騰，車資$96)

離開：於新娘潭坐九巴275R (總站) 至大埔墟鐵路站

中途補給：
福來茶室 (食客家菜)~推介豆腐花、糯米糍、泥猛粥 (其他食物因為漏單所以全部取消了，下次有機會一定會試炆豬肉)
 

晚餐：

同信士多BBQ $130任食包一罐飲品，燒3小時，食物選擇多，味道好正，唔似過往食過的任食BBQ，食物鹹到苦! 全部食物獨立包裝好衛生，如果唔想用碳燒，仲可以用光波爐燒都得，同信士多BBQ還有一些自費的海鮮供大家選購。

 



行到入嚟呢個分叉位可以選行上路或下路，但最終都係會行返出嚟呢個位，我地今日行下路 (平路) ，由上苗田行入三椏村



中途補給站~福利茶室，大多郊遊的巿民於這裏食午飯 (客家菜為主)，這裏人手嚴重不足，最好自助斟茶，上菜極慢，要食就要有少少耐性。

這個豆花真係好滑，難得入到嚟一定要試

水塘景觀

荒廢石屋外的石磨

同信士多BBQ 燒烤場外石灘