洪湖公園~荷花文化節，大芬油畫村

我並唔係龍友，但對影相都有一點點興趣，所以今日同朋友一起到深圳影相。

荷花文化節~深圳洪湖公園，這個荷花節每年都定於6月1日至15日，入場費全免。

影荷花最好在早上十二時前，因為深圳的天氣比香港熱，所以影完早d走會無咁辛苦。

我地大約9點到達洪湖公園，已經見到好多人，烈日當空真係好辛苦！

洪湖公園佔地面積很大，香港絕對無可能有咁大的荷花池。如果鐘意影相的朋友可以到此拍攝。好不容易才可以於兩小時內完成這個活動！

地點：深圳洪湖公園
交通：82號~洪湖公園站 (第9個站下車)

由於太熱行完洪湖公園就即刻去有冷氣的地方食飯，午餐安排於繆氏川菜。

點了6碟餸，每碟份量都好足，埋單時RMB225，可以即時團購以RMB123購買RMB200現金券（國內團購比香港做得更加好，可以付款時即時團購，無須列印團購優惠券），平均每人RMB30超抵食！

地址：福田區下梅林梅華路207號安通大廈1樓 (近新州路)

交通：湖貝站B出口 (轉右直行，近東門附近)

食完午餐休息完，又要起程往下一站~大芬油畫村。

大芬油畫村主要係賣仿製品，見到有好多畫家一筆一筆咁起度畫畫，有一d油畫仲可以畫到的效果像一張沖晒出的相片。

我們還去了大芬油畫展睇油畫展覽！這個展覽館只有微弱的冷氣~~~~熱、熱、熱！

交通：大芬站A出口

行完油畫村實在係太熱，即係去左麥當奴飲個凍冰冰的汽水。

之前出發接埋朋友一起去食晚餐，朋友好識食，佢話呢間火鍋店雖然不太辣，但有好香的麻味，食完又唔會口渴，加上火鍋店有一個有幾十款調味料的任我們配搭，香港比較少這類自行調配醬油的食店！

今餐平均每人RMB83，朋友話於深圳要用上這個價錢係好貴，希望下次再可以同佢地一起北上飲飲食食。

餐廳：重慶孔亮火鍋

地址：深圳福田區景田北街東海銀座302號

交通：香梅北站B3出口~蛇口線 (轉左手邊直行)

自行調配的醬油，可以大量加入自己喜歡的配料