Biore 深層卸妝油~淨肌禮盒

之前上網見到biore 卸妝油有聖誕禮盒裝，仲送一套化妝掃，雖然我唔知套化妝掃質素好唔好于過真係好想買，一來我自己用過碧柔的卸妝油真係平得嚟好好用，二嚟我自己鐘意聖誕時買晒一年的護膚品，聖誕禮盒平咁多，仲有咁多野送唔買邊對得住自己！！！
 

我自己行左好多間萬寧都搵唔到呢set，最後起IFC 比我見到最後兩盒，望望個價錢，對眼即刻發光，只係$99.9有兩瓶卸妝油仲送一套七支的化妝掃。平時就咁買一瓶都要接近$60~抵！抵！抵！
 

化妝掃的質素唔係好好，人造纖維掃。不過送又唔可以有d 咩要求。呢set 掃極度適合一些初學化妝的妹妹仔用，我自己只會去旅行時帶出去用因為有埋個插化妝掃的套，加上掃細細支方便攜帶。但唔好對佢抱有太大期望，或者希望佢會有一個好好的上妝效果。