Bourjois~gel foundation

D 人成日話sales 信唔過，這原來係一個千真萬確的事實，之前本來係想去Bourjois買個base，我只係聽BA 的介紹，因為我相信她們的專業，點知今朝早用這個產品時發現出事！

話說尋日個base 已經用完，咁我當然二話不說起個櫃度拎之前買的這個產品出來，望下望下心感不妙，雖然我文化水平好低劣，但都未至於唔識得分foundation & base這兩個字，我拎住這個產品反轉再反轉，睇嚟睇去都只係寫住係foundation，由於每朝早出門口都好趕時間，我已經再無多餘的時間去考究，但我已經沒有base 的存貨，起無可選擇的情況下，我見自己平時用的護膚品都唔差應該都頂得住，所以我就自己同自己講，呢個係個base 照搽啦，趕住出門口，之後再去返bourjois 個web 度睇原來佢地本身係無base，一向只係得foundation，頂！上左當添，我真係對Bourjois這個品牌的BA非常之不滿，你家陣係當我唔識字定係當我係低能家！

講返這個產品，雖然並非我心甘情願地去買，但唔買都已經買左，都要用左去，粉底有一陣好香的水果味，氣味十分之討好，但粉的質地太薄完全不能夠覆蓋面上的霞疵，但搽於面上即時可以令面部較具光澤，保濕度持久。

BEFORE

AFTER