潤肌精~OIL CLEANER

一直都好想可以搵到一D 有平有好用的護膚品，所以就乜都試下，今次試左KOSE 的副線~潤肌精，唸住佢都係KOSE 旗下的品牌應該都唔會差得去邊，點知今次個如意算盤打唔響。

今次係我係用過咁多的卸妝油入面效果最唔能夠接受，點解呢？平時用卸妝油係希望佢落妝落得乾淨，洗面落妝一take 過，可惜呢個卸妝油真係好討厭，佢本身的質地好稀，於面上打圈將所有化妝品溶掉後就加水乳化，之後就大獲，洗極都洗唔乾淨，越推就乳化得越白，洗左好耐好耐先可以洗走晒d卸妝油，唉！真係煩，又掉左去又好浪費，但係卸妝油又唔識合身體其他地方用。最後，終於都比我唸到識樣先至可以用晒呢瓶卸妝油，就係買一塊洗面棉，用洗面棉可以吸走面上乳化了的卸妝油，就係呢個方法我先至可以唔晒掉左樽卸妝油。

這瓶卸妝油唔會令到皮膚好乾，落妝效果都乾淨，但我自己唔鐘意佢咁難先至可以洗得乾淨塊面囉！售價方面佢都唔貴$89/180ml，但我紹對唔會回購這個產品！

無花果龍脷葉雪梨煲西施骨

無花果健脾開胃，清肺止咳，有舒緩咽喉腫痛和消化不良的功效；龍利葉可治療口腔炎症，亦具止咳功效；加上滋陰潤肺的雪梨，是個處理秋天氣管問題良方。

【功效】：清肺止咳、化痰平喘。

【主治】：治肺熱咳嗽、支氣管哮喘、急性支氣管炎、上呼吸道炎、失音、肺結核、咽喉痛。

材料：
無花果8粒、雪梨4個、龍利葉25克、南北杏25克、瘦肉

龍脷葉 $5/2兩

Galaxy S3 電話殼

之前去九寨溝，部電話勁跌落地下，好在有個保護殼如果唔係部電話個跌爆，依家部電話就無跌爆，但係個款就跌爆左囉，就係咁我有可以買個個新，好耐之前行街見到麥兜原裝保護殼，只終都係原裝殼個位會比較fit 部電話，呢個原裝殼比起上次個個抵d，因為佢個包埋電話保護貼。黑白豬又唔係太幼稚，所以返工用都得！

Pekkle-Cleaning Cloth

Pekkle 又出了一款眼鏡布，呢個造型我自己真係好鐘意，顏色又比較襯pekkle，所以我買左一塊，之前出個d 買得太多，所以依加唔可以再買咁多塊，費是阻住d地方，今次塊眼鏡布$19，好以比起往年貴左。

蘋果馬蹄青紅蘿蔔粟米蜜棗煲瘦肉

好似煲嚟煲去都係用返咁上下材料去煲湯，其實唔係家，因為粟米紅蘿蔔都係一D大路煲湯材料，所以咪成日都會用佢地囉，今次用左蘋果煲湯，個湯真係好甜，又滋潤，呢個湯的材料又容易處理，成日煲嚟飲都得。

材料: 蘋果、馬蹄、紅蘿蔔、青蘿蔔、粟米、蜜棗、瘦肉

明華餅家~紅豆酥/綠豆酥

又係去舊式餅家買餅食的時候啦，今次試左綠豆酥及紅豆酥，$3/個，呢D 舊式的餅店真係越來越少，而我自己就好少食咁D 食物，今次試左綠豆酥及紅豆酥，我自己比較鐘意食紅豆酥，佢個紅豆餡完全唔甜，所以我都幾鐘食；至於個綠豆酥就係偏向少少鹹，如果要我二擇其一，我必定會揀紅豆酥。

手信

豬仔今日約左我食lunch，順便比埋d 日本及蘇梅手信我，原來豬仔買比我隻大象鎖匙扣係有個W字家...

Octard Cover Foundation

無意中比我發現左一隻好好用的遮瑕膏，其實我唔識得呢個牌子，但係見買開野見到又想試下，點知第一次用已經愛上左，佢的質地好creamy，搽上眼遮黑眼圈遮得好好，佢比起一般的遮瑕膏係厚左少少，但補濕度好高，搽了超過十二個鐘都唔會溶，價錢又平只係$65就會有20g，真係超抵用！絕對值得推介給大家！