去疤膏

終於都忍唔住搣左塊膠布，見到個傷口都已經埋左！

搣左塊膠布時，結左的焦都拉埋出來，見到一條好明顯的疤，我真係接受唔到囉！

朋友講左呢句說話："做人最辛苦係明明接受唔到都要承受......"

一句道出我現在的心情！！接受唔到又點呢?

總算好返，希望往後走得更高更遠！

手術後的心情：珍惜呼吸著的日子！

無人可以掌管到自己的命運，亦都無人會知道將來會發生甚麼，可以呼吸亦應感恩！

呢支去疤膏~Strataderm scar therapy gel係醫生開比我的，我見萬寧都有得買$158/5g，而我呢支係$500/10g，醫生開出嚟的藥係會比起藥房買貴少少，但都無所謂啦，最緊要用左唔會生肉芽！

上網睇過呢個牌子，原來都幾出名，仲要係好多醫生都會選用的，我個傷口好大，所以要搽90日，希望搽左呢個去疤膏可以完全去晒條疤啦！