龍蝦灣郊遊徑

今天早了起床，之前規畫了好幾條的行山路線。趁今日天朗氣清就來一次即興~獨自走走這條郊遊徑。同時於2017年尾前完成了自己咁多年希望獨自出走一個目標，原來自己行山都有好多樂趣的。

交通：鑽石山鐵路站C2出口 (轉乘91號巴士於大坳門站落車 [第31個站] ~ 車程約45mins)

路線 : 大坳門 → 清水灣道 → 大坑墩 → 清水灣郊野公園 → 大嶺峒 (高291米) → 龍蝦灣郊遊徑 → 清水灣騎術學校 → 龍蝦灣古石刻 → 龍蝦灣路 → 大坳門

難度：⭐️⭐️ 約7公里 (3.5小時)

離開：乘搭91號九巴往鑽石山

備註： 部份路段林蔭較少，梯級陡峭 (梯級較多約數百級)

補給：大坑墩公園小食

退出點：沒有

這是大坳門的下車位置

川龍嘆早茶

選擇川龍這條路線是因為有美食吸引，加上路線又易行。於川龍嘆早茶，山上飲茶份外醒神。可以食到飽飽先開始行。

今早八點半前到達茶樓，幸好還找到位，過了一會人多到已經要等位了。行這條路線又要飲茶的話，最好是三五知己，因為一大班人去飲茶比較難搵位。

端記茶樓全是自助形式，點腸粉就要入廚房拎，其他食物就自己取，食完就搵職員埋單。

由扶輸公園自然教育徑開始是上梯級，但梯級不是太多，頭段較多梯級，但行了約一小時就到甲龍古道，這裏是下山的梯級，之後行三小時間的石屎路加上小量暗斜。

集合地點: 荃灣地鐵站B出口
往荃灣兆和街乘搭小巴 80 號（川龍村下車）

路線 ：川龍村 → 端記茶樓 → 扶輪公園自然教育徑 → 大帽山郊野公園 → 甲龍林徑 → 甲龍古道 → 農場鮮奶有限公司 → 清潭水塘 → 河背水塘 → 河背村

離開：於村公所搭71號小巴往元朗
難度：⭐️
長度：約12公里，慢行約5小時

分流

其實香港係咪己經無左冬天呢? 不過無冬天仲好，因為我太怕凍，但沒有冬天仲有一份失落，地球先生的病情太嚴重了!

今日天朗氣清，又有藍天與白雲，行山一樂也。

我天行的路線係第一次行，路線唔係太長約15km，由東涌轉乘大嶼山巴士11 / 11A於石壁坳引水道通道落車，這條路線簡單易行，一條直路，沒有太多的分叉路。途中都有洗手間，好方便，中途只有一個補給站，可以食午餐，唔過行得太慢建議自備乾糧。

今日連埋食午餐的時間約行了5小時。行到去大澳仲可以睇埋醉人的日落，這條路線好正。

今晚用肉眼可以看到一個好靚的天文現象~金星合月，皎潔的月亮伴隨著一顆明亮的星星

交通 ：
東涌B出口，轉搭大嶼山巴士11/11A於石壁坳引水道通道落車

大嶼山「分流」行山路線 ：
羌山道 》宏貝道 》大嶼山郊野公園 》鳳凰徑8段 》狗嶺涌營地野餐 》分流 》煎魚灣營地  》鳳凰徑7段 》二澳 》牙鷹角》大澳海濱長廊看日落（全長約15km)

龍脊

今日又去行龍脊，呢條路線係入門級必到的路線，好易行，今日成個山頭都係人，D人多到呢~~有點嚇親!

太多人行山，一路行一路塞人，下次都係要揀D冷門及較難行的路線。

土地灣>港島徑8段>打爛埕頂山>龍脊

交通好方便，於筲箕灣搭9號巴士於土地灣落車，下車後有兩個流動公廁，大家再以於這裏梳洗一下先開始出發。

行完山緊係要食飯餐好，正所謂行山消耗800卡路里，但要食返3000卡路里 !

呢間小店食飯好美味，每人都係$160，個黃金蝦真係超好味，羊腩煲又淋又入味，下次都可以再嚟呢度食飯，不過要提前訂位，及限時食用的。

晚餐 : 鋒記小炒王

地址 : 筲箕灣愛民6-28號新利大廈3A舖

食飽飯去埋東大街食埋甜品，人生一大樂事也!

菠蘿山

今次的行山活動係由我帶隊！ 哈哈！ 係個路痴帶隊行山，雖然地球是圓的，但係都有少少擔心！好在最後有驚無險，終於都行完整路線，仲去埋流浮山添。

屯門後花園菠蘿山！呢個山近排被報名廣泛報道，相信已經多左人認識。

今次行波蘿山這條路線只係輕量級，只係開頭段的大斜路，行起上嚟有點吃力，但時候約為半小時，之後的路都係好輕鬆。

這條路線並無退出點，由良景邨開始行約須3小時，如果行去下白泥及流浮山要加多2小時。

去到流浮山必定要食海鮮，今次食的一間小店係愛民，價錢公度，又無燙客，下次可以再去食。

菠蘿山行山路線 ：屯門良景邨 》良田坳 》菠蘿山峽谷》諗灣路 》下白泥 》流浮山

交通：屯門西鐵站B出口，轉西鐵505/507/615/615P於良景站下車，下車轉左手邊往菠蘿山入口

離開下白泥，可以坐33號小巴去流浮山$6.7

這是第一個休息點望到的山景，今日天氣好好，唔算太曬，但就無風。

休息夠眼前就係再起步的路，有個分叉路口，左邊是行石屎路，右邊係爬山上，兩條路都是往波蘿山去，只是山路及石屎路的分別，山路會比較辛苦及有點危險！

睇下我的隊友爬到幾高

爬到上山頂是這個景色

菠蘿山的土質是鬆碎砂石組成的，從這張照片可以見到一塊鋪有英泥的護土牆都倒塌。

終於都嚟到菠蘿山啦！這裏的地貌已經同我一年前嚟都時候有少少改變了，大概是有些地方已經倒塌了。

這是菠蘿山的大峽谷地貌

行到嚟這裏已經係尾聲，於這個位置轉右就係下白泥的方向啦！

由於全程只是用了3小時，大家都覺得時間尚早所以加插了行去下白泥的環節，去到時正是退潮，見到姐多單拑的蟹仔於沙灘上走嚟走去；牠們好敏感，只要我一動牠們全都鑽回沙底，今次的一行真係大開眼界！

於流浮山食了個豐富的海鮮下午茶，我們亦買到一點零食就離開。

去到元朗西鐵就轉乘B1往落馬洲口岸（元朗西鐵站G1出口）。第一次搭巴士去落馬洲口岸，車程約16分鐘，真係好快又方便。

這裏就是落馬洲口岸，好多人！人頭湧湧

話咁快又過左關嚟到好兄弟！

由福田坐地鐵往石廈站A/E出口，兩個出口都是住皇悅酒店方向一直往前走，E出口會近少少。

食完飯仲去左COCOpark 食四季榴槤，今日好滿足玩足18小時，仲搭埋羅湖線的尾班車。