Jean Pierre Croteau

今日心血來潮想買多一盤紫羅蘭，但係又唔想入去發叔度買，因為實在係太遠，咁唯有行去花墟碰下運氣，看看是否能揀選到一盤合心水的特別品種，一行到去花墟都心知不妙,因為見到全個花墟都放滿了年花，而紫羅蘭本身這類冷門的盤栽更加唔駛唸會有機會買到，行來行去都只係見到一些好普通的紫羅蘭品種，所以我都無心買，種一盤紫羅蘭須要好多的地方，如果唔係特別品種我都唔想種，費是阻住去方啦！

後來去到繽紛見到起一個角落有一堆紫羅蘭的花苗，看看價錢 $20，加上這個品種上次我已經想起發叔度帶走呢盤Jean Pierre Croteau
，當時只係剩下這盤，所以一見到就即刻拎走佢，$20可以買了盤心頭好，你話幾抵呢？不過佢開唔開得到張相的顏色又係另外一件事啦，因為我都試過起發叔度買過幾盤花係開唔到原來的顏色，不過$20開唔到就算啦，開得到咪當係一個bonus囉！

返到屋企再認真睇下，完來佢本身係有幾個側芽，咁即係佢會同本身個主幹爭營養，但係我見佢都仲係一個苗，我唔忍心殺死佢d 側芽，等佢d 葉再大塊d 試下可唔可以切佢地出來分盤。