燜燒杯~南瓜蕃茄紅蘿蔔瘦肉湯

又係南瓜湯，個南瓜好似食極都食唔完，唔想個雪櫃放咁多食材，所以尋日又要唸下點用埋個南瓜去！

 

幾經辛苦終於都搵到一個湯譜。

 

今日個湯同尋日差唔多，但份量明顯多了好多，皆因大部份都係蔬菜！

 

好多湯渣食到好飽~~

 

材料：

南瓜 100克

紅蘿蔔 200克

粟米粒 50克

蕃茄 1個 (約200克)

瘦肉 100克

燜燒杯~南瓜蕃茄紅豆瘦肉湯

星期六買到一個好靚的南瓜，大大個都係$20，用佢嚟燜粥，真係成個星期都食唔完。

無理由日日都食南瓜粥，所以上網睇下可以煲d嚟湯水飲下。

起衞生署個網頁見到以下的湯譜，我自己煲就唔放陳皮，總是覺得南瓜同陳皮的味道唔係咁夾!

個湯的份量都係我自己研究，下次再煲時會改良一下個份量。

今日個湯的份量都幾好，個杯仲有空間，可以放多大約20克南瓜。

材料：
南瓜 180克
紅豆 40克
蕃茄 1個 (約200克)
瘦肉 100克

燜燒杯~雪耳螺頭湯

用左個燜燒杯煮粥都已經有3個星期，終於都餐試整湯。

以下材料的份量係我自己預，並唔係買網上燜燒杯的傷包，所以個份量未別係最好，但唔緊要啦，反正屋企大把煲湯材料，咪自己試下預個份量囉！

個湯悶出嚟份量岩岩好，好甜，雪耳仲係爽的。

第一次悶湯就成功了！大家可以參考以下的份量。

材料：
紅蘿蔔 180克
雪耳 40克
麥棗 1粒
螺乾 2粒 (約40克)
瘦肉 100克

手術後的開心飯聚

做完手術後，要戒口所以都無乜食過D 乜好野，今餐算係手術後比較豐富的一餐，謝謝各位的關心....

 

近近地去了旺角金御海鮮酒家，間酒家食物的水準普通，但勝在就腳，又可以坐得耐。

 

我地仲約好下次一起去國內的美食團了:)

 

燜燒杯~粟米南瓜瘦肉粥

早幾日起街市見到有個迷你南瓜，唸住細細個用佢嚟分兩次煲粥都幾好。一斤$12。

個南瓜唔係好靚，無南瓜味，下次唔會再買呢d迷你南瓜。佢唔係特別平，反而大南瓜仲好食，最多分開幾次食。

材料
白米 30克
紅米 15克
南瓜 100克
粟米 半條
瘦肉 100克

燜燒杯~紅豆沙

煮野食都幾得意，因為無食譜，所以要自己研究下個份量是否適合我個燜燒杯。

經過大概兩星期的時間，已經大概掌握到燜粥燒杯的分量。

今次試了整紅豆沙，紅豆沙焗左幾個鐘之前起晒沙，好正！材料方面下次可以加多15克紅豆，當lunch 食會飽肚d。

材料：
紅豆 100克
百合 10克
蓮子 10克
陳年過皮 1小角
片糖 少許

***紅豆本身比較硬，所以煲前要把紅豆浸淋，大約浸8小時。之後就用煲煲約25分鐘再入壼！煲出來的紅豆沙就會又淋又起沙。

燜燒杯~紅米蕃茄粥

不經不覺間，今日返工啦！

戒口~無啖好食！

今日拎左我的收藏品返公司食粥時用，咁樣會食得開心d嘛！

用紅米燜左個蕃茄粥，紅米營養高d，往後的日子都會用紅米。

燜蕃茄粥都係用45克米係最好，35克個粥好稀！

材料：
白米 35克
紅米 10克
細蕃茄 2個
瘦肉 100克