欖角肉鬆炒豆角

出面真係好大浪呀，真係識游水都會淹死

個海嘯來勢洶洶咁，你話死唔死啦！

夠竟個浪幾時先至會靜止，家陣通街唔係艇就係蟹，睇見都心寒

面對這個逆竟

，相信都無乜人有心情去消費

希望可以慳得一蚊得一蚊的情況下

，經濟情況就係咁開始慢慢下滑

而我都唔例外，儘量都唔出街食午餐，務求可以省下午餐的食飯錢
加上又可以慳返d食飯等位時間，做下其他野，真係一舉幾得
近排又鐘意煮下野食，可以將一個午餐的飯錢，用來買餸，仲可以夠晚&午餐
真係好慳呀！

材料：欖菜、免治豬肉、豆角半斤、蒜頭二粒、薑一片
醃料：生抽、生粉、紹興酒、薑汁

做法：
1. 豬肉碎加入醃料醃20分鐘，後加少許水份

2. 豆角洗淨切粒，加入薑片汆水

3. 大火起穫油，肉碎炒至半熟，加入蒜蓉、欖菜炒勻、加入豆角炒勻。