薯仔炆雞塊

以下這個是蘇施黃的食譜, 但有些步驟我無跟住離整。自從我開始睇蘇good 後，起初對阿蘇教整的食物很有興趣，但係漸漸地覺得佢的煮法很不健康，經常用大量的油、大量的糖。所以，我見到她的食譜都會將有大量油 & 糖的部份刪減，咁可以健康d嘛！

今次煮這個薯仔炆雞塊好有滿足感，拎住支豉油係咁倒落個鑊度，個種感覺真係好滿足，仲一路煮一路試味，真係好開心，因為怕為太喊，好在最後味道恰到好處。

材料:
薯仔        2個
洋蔥        1個
雞扒        2塊
醃料:
生抽        1湯匙
老抽        2湯匙
糖            2茶匙
生粉        少許
麻油        少許
烹調步驟:
1. 雞肉加入醃料醃約30分鐘, 薯仔用刀切角, 備用；洋蔥像切橙一樣切六至八角備用。
2. 雞件先用油爆香，加入醃雞塊的汁（生抽、老抽，糖、生粉、麻油）。
3. 先爆洋蔥，加少許糖、老抽。

4. 煎薯仔至少許金黃色。

5. 放入薯仔、洋蔥，加水調味（如有必要加點生抽、老抽、麻油）炆半小時至四十五分鐘便可。