霸王花豬骨湯

好耐都無煲過湯啦，早排開始每星期都有煲湯.......

一向喜歡攪攪震的我，一邊製作，當然一路發揮我攪攪震的精神，我真係好比心機製作的......

本來我無唸住放上離同大家分享o家，所以我都無影到相，但係岩岩又飲多一碗的時候，覺得真係好好飲，所以我上網搵左一張相同大家分享！下次會自己影番相啦

碗湯味道清甜，有少許黏口。
製作亦非常簡單，西施骨汆水，其他材料洗乾淨，全部放晒入個煲,加適量開水煲個半鐘就成功啦！
以下分量為四至六人的材料。
材料：

霸王花	1束
無花果	8粒
麥棗	10粒
西施骨	3/4 斤
南、北杏	各少許

*因為比較喜歡吃西施骨的肉，所以改用了西施骨，個湯都好清，無乜油

功效：湯清味甜，清熱利尿，解毒生津，化痰止咳。

霸王花具有清肺、止咳、化痰之功效。能治理肺熱咳嗽、煙酒過量、口臭便秘等症。

霸王花的黏液甚多，性近寒涼，鮮花寒性較重，若將它蒸過曬乾，則寒性大減而近於清涼，無論食用或藥用，皆多用乾花。又如：有胃腸熱滯，大便秘結，胃部脹滿不適，口臭難聞，面紅目赤，喉嚨乾涸作痛之病患者，為消除胃腸熱滯，可單用霸王花一至二煲水飲，飲後大小便會暢通，熱滯隨之消除。又據經驗者說，用新鮮霸王花煲水飲或用來煲豬肉湯飲，消除胃腸熱滯及去痰火的效力尤佳。