Pekkle 溝貨篇(3)

某日去行SOGO 發現左這張閃粉貼紙大減價.......

睇睇價錢......

半價.......$3.5

二話不說就溝貨啦

Pekkle 上鏈公仔

眼見xo, kitty都出左上鏈公仔

就唸如果pekkle 都有上鏈公仔就好啦

近排終於都比我見到啦，雖然係假ge，不過真係好靚
但係我bid ge 時候真係好怕比其他買家得手

，好在最後都落起我個安樂窩

粉葛蠔豉西施骨湯

好多湯都好想煲，揀左好耐，終於都決定左煲

粉葛蠔豉西施骨湯

材料：
粉葛	斤半
鱆魚	一隻
蠔豉	四隻
西施骨	半斤
芫茜	二棵

功用解說 ：健脾益陰、生津止渴、降糖降壓。 　
功效：
粉葛：解肌熱，滋潤筋脈，降血糖、降血壓、降血脂。
蠔豉、鱆魚：清熱除煩、養陰生津、舒緩筋脈。
芫茜：開胃治泄瀉

Pekkle DIY

快d估下我今日要介紹ge係d乜野離？

真係估都估唔到我會整這個玩意

仲好成功添喎，都算係咁啦

材料：這幾個顏色的材料大家會聯想到d乜呢

   咪就係可愛的pekkle 囉

由於時間ge 關係，製成品已經預備好左啦！

夠竟係咩離ge 呢?! 估到未呀???

正面

背面

 咪就係迷你八達通電話繩，呵呵獨一無二，用左100% 的心機製作。因為實在太精細，剪出來都比較困難。好彩最後都成功。

眼見大家都有迷你八達通，咁我都要有埋一份嘛
唸左好耐，點先至可以DIY，鍾於都比我唸到啦，就係咁，Pekkle 就係咁出世左啦。
仲有材料剩會製作多一個正常pekkle 形八達通 & 迷你八達通咁多 (因為白色實在太易弄污)，奇待佢的面世

Pekkle 溝貨篇(2)

星期六去左天后交收左以下兩件產品，真係好平

隻大碗比起之前bid 個隻真係平好多，只係$50超抵~ ~ ~
至於個毛巾套裝$70本身我都已經有啦，見到平平地咪買多一set 離用囉。

Pekkle 輕觸式燈

尋日見到blog 友 pekkle 買左pekkle 輕觸式的燈

已經急不及待咁走去買

去到間鋪同老闆娘講話要pekkle 燈

佢就問我貴姓，有無留貨

我咪話無囉，佢就話全部賣晒，要落訂訂pekkle 燈，咁我咪話好呀無問題
老闆娘起度寫張單，問我電話號碼，其實我起遠處見到個銀碼以為自己眼花$380

，跟住老闆娘比張單我，真係$380，我咪問佢乜唔係$280 係唔係寫錯左呀？

佢話$280係舊貨，新貨要$380。無端端貴左$100好唔抵。其實我心唸會唔會係坐地起價呢？咁我咪話唔訂啦，反正佢遲d都返貨。
跟住老闆娘叫我要埋個display ，咁唸左一陣，算啦平$100都要埋佢啦
見到佢攞出離pekkle 好污jo ，又花左，好唔完美。
以我這個完美主義者，這件產品跟本係無可能起我屋企出現。
但係我都忍痛要左。最後試燈的時候原來pekkle 同個座唔可以合而為一
老闆娘就話醒起返貨的時候係有一件有問題。咁無辦法啦，學雪藍話齋我同pekkle 無緣，我唯有放棄。

老闆娘話你早少少離就好啦。d pekkle 燈今早全都被訂了，都唔知點解1個朝早就比班pekkle fans 掃晒

佢仲指住留左個幾盞燈比我睇，真係好想帶佢返屋企........
佢又同我講有個客誇張到叫速遞去取貨，真係心急 (原來個個係雪藍)
咁無得買我咪走囉，點知我走左無耐，老闆娘就打電話比我，話之前有個客留左一盞燈成個幾月都未取又未付款。賣左比我先，就係咁我就即刻返去帶左佢返屋企啦！

好試燈

雪耳椰子煲竹絲雞

今日介紹的湯水係雪耳椰子煲竹絲雞
個人又真係唔鍾意椰子，但係唔知點解好想煲這個湯

我都係第一次開椰子，真係估唔到原來係咁簡單就可以將d椰水整出離

材料
竹絲雞	1隻
雪耳	1個
麥棗	6粒
椰子	1個
甘筍	2條
南北杏	各少許

平時d人通常都係用普通雞，係唔係好好奇點解我會用竹絲雞呢

食療功效
竹絲雞：含豐富蛋白質、有補血氣、健脾胃的功能
椰子肉：具有補虛、生津、利尿、可治療水腫、口乾煩渴、吐血、風濕暑熱等症
雪耳：又名銀耳，是生於枯木上的膠質菌，有滋陰潤肺、活血清熱、強心健腦
蜜棗：補氣強身，安神寧睡

個湯好清甜，真係估唔到椰子煲雞原來係咁好飲。

要快D飲晒去就會見到pekkle 啦

Pekkle 簿

今日上網睇下又咩bid 啦，好驚訝這本簿都有pekkle fans bid喎

仲要係$29起bid，當時個心有d痛

見到有pekkle fans 買貴野........

其實我有其中兩本都係近期買$15，咁又比賣家賺左1倍，覺得好唔抵呀！

我上星期去行的時候仲有貨呀

如果有其他fans 見到而又仲未擁有的話，留個message 比我啦！

Pekkle 溝貨篇 (1)

以下兩件產品本身已經bid 左返離，價錢好貴。

所以一見到有得bid 而價錢又算幾平就二話不說咁溝貨

溝完貨心情好好多，點都叫平返d先啦！
其實仲有一隻大碗未攞，因為個地點實在係太遠
學檸茶話齋要出城咁去將軍澳.......

蜜汁雞翼

今日整左蜜汁雞翼，係第二次整啦，第一次製作失敗，因為煎到燶晒！

今次煎得好靚呀,一d都無燶到，完來要掌握煎的時間係好重要，太快煎起就會變美女廚房，煎得太耐就會好燶。

醃製過程

霸王花豬骨湯

好耐都無煲過湯啦，早排開始每星期都有煲湯.......

一向喜歡攪攪震的我，一邊製作，當然一路發揮我攪攪震的精神，我真係好比心機製作的......

本來我無唸住放上離同大家分享o家，所以我都無影到相，但係岩岩又飲多一碗的時候，覺得真係好好飲，所以我上網搵左一張相同大家分享！下次會自己影番相啦

碗湯味道清甜，有少許黏口。
製作亦非常簡單，西施骨汆水，其他材料洗乾淨，全部放晒入個煲,加適量開水煲個半鐘就成功啦！
以下分量為四至六人的材料。
材料：

霸王花	1束
無花果	8粒
麥棗	10粒
西施骨	3/4 斤
南、北杏	各少許

*因為比較喜歡吃西施骨的肉，所以改用了西施骨，個湯都好清，無乜油

功效：湯清味甜，清熱利尿，解毒生津，化痰止咳。

霸王花具有清肺、止咳、化痰之功效。能治理肺熱咳嗽、煙酒過量、口臭便秘等症。

霸王花的黏液甚多，性近寒涼，鮮花寒性較重，若將它蒸過曬乾，則寒性大減而近於清涼，無論食用或藥用，皆多用乾花。又如：有胃腸熱滯，大便秘結，胃部脹滿不適，口臭難聞，面紅目赤，喉嚨乾涸作痛之病患者，為消除胃腸熱滯，可單用霸王花一至二煲水飲，飲後大小便會暢通，熱滯隨之消除。又據經驗者說，用新鮮霸王花煲水飲或用來煲豬肉湯飲，消除胃腸熱滯及去痰火的效力尤佳。

Pekkle Pin

以下係一個比較少見的文具

登登登.........就係"禁"釘啦

我這盒真係好平
之前見過有人放出離賣4粒咋就話要$60
相比之下一盒有18粒，真係好平呀！

Pekkle 防盜眼

又再一次擁有到我好想要的pekkle 防盜眼啦

見到佢出ge時候唸住無用，所以無買到

當我知道我將會有機會用的時候，已經無得買啦.......

咪唯有bid啦，bid 的代價係要接受的一唔合理的價錢。

奈何鍾意就要付出代價$$$$

Pekkle 指甲挫

今日好開心，幸左好耐好想要ge指甲挫終於都到手啦.........

見到出左ge時候唔知點解無買到，到想要ge時候就無得賣啦........

等左好耐終於都比我bid到啦，貴左咁多......真係........唉........不過見到佢就即刻開心返

其實我都係想要個擺設，所以無將個指甲&挫放埋落去一齊影呀！

Pekkle 電話座

以我所知pekkle 係從來都無出過電話座的，以下兩款電話座都係假的不過都好靚。本來想去訂造一個麵粉pekkle電話座，不過間店鋪唔願意，咁無辦法啦!! 同大家分享下以下兩款電話座啦！

這個係我最意的，好後悔無買多幾個，依家用到佢又舊又殘，洗過好多次啦，今次影埋張相同大家分享，佢就要退休啦，成為一件收藏品~~~

而這一款我就覺得個設計唔係咁好囉，個電話放左入去就見唔到pekkle個樣

Pekkle 保溫杯、壺

Pekkle 保溫杯我第一次見到佢都係兩年起yahoo見到。

我一見到佢二話不說就同賣家聯絡，直接購買。但係好討厭個賣家明明答應賣比我，點知到最後........

有其他人再願意出一個高d的價錢，個賣家就唔肯賣比我，一等就兩年啦，終於都比我再次見到佢的出現，當然唔駛講，價錢都唔理就bid 左啦，雖然都幾貴........

保溫壺好多年前買的，個壺都用到殘晒啦，但係個袋從來都無用過所以仲好新淨，做收藏，如果再比我見到佢的出現我一定會再買多一個hehehe..........

最後來張大合照~~