Day 1 ~ 大連

今日下午機，因為作日要返公司OT 所以無時間執行李，今朝一早起身左執右執，執極都唔完，因為東北三省天氣太凍都唔知帶d咩衫好。有個執行李list 真係好，純粹好似執藥咁，本來執漏好多野，但最後對一對個list，執漏的物品全部都拎返晒。

因為無左早報團優惠，所以我要起去機場的車程慳返d，今日搭機場巴士A21，$33，車程約45分鐘。都幾快幾方便。

每次去旅行起機上都可以睇到唔同的景緻，今日天氣好好，可以起機上欣賞到日落中的雲海，好靚、好靚!

由香港去大連機程大約3個半鐘，一落機超凍，因為機上有暖氣，一冷一熱的氣溫，真係好難頂。落機後要即刻著返係大褸先至得。

今晚入住大連新世界酒店，酒店房間都算大，既新又乾淨。