神阻擋驕傲的人、賜恩給謙卑的人。(雅4:6): 6月 2013

2013年6月28日星期五

桂林之旅~手信篇

去到行程最後一日，導遊~Wing帶我們去到國內一間比較有名的連鎖超市購物，呢個並唔係我地行程入面的景點，只係我地須要買手信，所以Wing 就帶我地去！

起超市可以買到的手信以食物為主，桂林最出名的手信-桂林三寶，桂林三寶是指桂林傳統土特產包括桂林豆腐乳、桂林三花酒、桂林辣椒醬，桂林三寶是遊客必帶回家的拌手禮。

經Wing介紹桂林三寶我只係買了兩寶，因為Wing 話三花酒係烈酒唔係咁識合香港人飲用，所以我無買到，至於腐乳方面Wing 介紹左我地買"花橋牌"，花橋牌壓史悠久所以品質有保證，另外Wing 亦介紹了"四方井"的腐乳，四方井的腐乳係比較辣！

桂林的土特產除了桂林三寶之外，仲有羅漢果，羅漢果亦稱為東方神果，羅漢果功效多元化包括潤肺、增加免疫能力、提神生津等.......羅漢果以位於桂林永福縣 (永福縣是羅漢果之鄉) 出產的為佳，因為永福縣温差變化和灕江霧氣極適合羅漢果生長，如果揀羅漢果，只要用力搖晃而沒有聲音就為知靚，另外烘焙過程亦都會影響到羅漢果的味道，因為要時間的配合才可以令羅漢果烘焙時唔會烘燶而出現苦味，烘乾越耐越甜，而挑選時以羅漢果體積越大越好。一份羅漢果相等於三百份白糖，於桂林市面上買到的桂林甜 (代替白糖煮食用) 亦係用羅漢果的果甜提煉！

王老吉潤喉糖係見到團友YY勁掃，細問之下佢話因為香港無得買，而呢款喉糖佢話佢每日都須要食，雖然唔知岩唔岩我，但係見佢只係RMB5，我都買了三盒，如果有用下次我返大陸必定會入貨！

因為桂花係桂林的市花，所以我今次買的食物都係以桂花為主....

至於工藝品方面，第一眼係比細細的桂花香水吸引住，個瓶子好靚，真係忍唔住手，買左好多個，少少的瓶子入面裝滿了桂花香水，雖然唔係D 咩貴重手信，但都係我精心挑選的！

買晒所有工藝品的手信後先至發現手信的數量唔係好夠，所以再買多了兩款繡球手織掛飾！

其實所有的工藝品我都好鐘意，真係有少少唔捨得送出去，不過唔信出去我要咁多嚟做乜？

每次去旅行我都有一個其慣就係買一份於當地有袋表性的小禮物比自己，今次我買左一枝狀員筆，就算起街上都無見過翻版，真係抵晒！

狀員筆

桂花香水

經過長時間的講價，把扇的售價由RMB20減到RMB10

2013年6月27日星期四

桂林之旅使費

桂林旅程已經完滿結束，雖然有點兒唔捨得但係現實終歸要返回現實，勞碌的生活總係離不開我，唯有收拾心情為忙碌的工作而奮鬥！

亦係時候要總結一下今個旅程的支出，今次個團費真係超抵！雖然晚飯的餸菜係唔夠食，但係一分錢一分貨個團費又唔係咁貴又點可以要求咁多呢？

今次個tour 共有五日，加加埋埋都只係用左折合港幣大約$3,500！價錢唔算貴亦都可以滿足到我對旅行睇風景的要求！

項目內容	RMB	HKD
團費	0.00	1,399.00
旅游保險	0.00	209.00
香港離境稅	0.00	120.00
燃油附加費	0.00	468.00
香港機場保安稅	0.00	40.00
中國國際及內陸機場稅	0.00	115.00
印象‧劉三組	250.00	0.00
銀子岩	100.00	0.00
世外桃源	120.00	0.00
靖江王府	100.00	0.00
遇龍河山歌對唱及鸕捉魚	80.00	0.00
桂花香水	30.00	0.00
野生羅漢果	20.00	0.00
狀員筆	20.00	0.00
陶藝筆	10.00	0.00
繡球飾物	5.00	0.00
芒果	3.00	0.00
超市	125.30	0.00
Tip	40.00	0.00
Total	903.30	2.351.00

2013年6月26日星期三

桂林之旅~Day 5

今日已經係行程的最後一日，亦都係時候要收拾心情準備回港為勞碌的工作而準備！

今日的行程係最簡單只係去睇乾隆天坑及最後一個購物景點~寶樹堂！

去乾隆天坑的途中會經過月亮山，就係之前所講傳說伏波將軍拉弓射箭首先穿象鼻山再穿穿山，最後射穿月亮山，因為只係乘車經過，所以影唔到相。

講起月亮山，最為人所知的是有一位"月亮媽媽"，月亮媽媽無師自通學會了十一國的語言，她透過聽游客的溝通，耳濡目染下就學懂了簡單的溝通，月亮媽媽熱愛家鄉她學懂了不同的外語向游客介紹自己的家鄉！現時導游必須要有大學的學歷，而月亮媽媽只有小學的程度，因她熱愛家鄉之情，國家特別發了一個導遊牌給月亮媽媽！

話咁快就到下一站乾隆天坑，一落車見到最吸引的就係早排起香港停留了一個月的Rubber duck，雖然呢隻鴨細隻好多，但係真係好得意於這個山清水秀的地方，可以有一隻咁大的黃大鴨出現，真係好靚，個度擬似係一個人造泳灘，如果有時間可以攤起將沙灘椅度享受一下這裏的風景就更加好。

睇完黃大鴨就要去乾隆天坑，乾隆天坑路程很短，但係好多樓梯，去程時係落，但係回程就超辛苦，因為要上好多好多級樓梯，所以去大陸真係要年輕時去，因為多山路行，年輕時體力仲夠可以睇晒所有的地方，老左我都相信我自己係行唔郁！

世界最著名的五大長壽之鄉其中一個位於廣西的巴馬。永福亦都係長壽之鄉，永福有幾個因素會有利於長壽包括空氣、食物及生活地理位置。永福有好多坑洞，而坑洞有高濃度的負離子，負離子能有效地清除人體內的氧自由基，又能使人體的體液處在弱鹼狀態，調節人的情緒處於最佳狀態，使人體免遭慢性疾病特別是危惡疾病的襲擊。

至於食物方面令到永福成為長壽之鄉，他們叫"三叫"，有老鼠 (去風濕)、黑螞蟻 (對精神恢復比較好及癌症恢復、大病恢復期、增强抵抗力都莫大的幫助，近來日本人不問價收購黑螞蟻令黑螞蟻的價格不斷提高)、羅漢果。

今日的午餐比較特別係用茶葉入饌，餐廳都比較特別，有半間餐廳係放滿不同語言的書藉，因為店主喜歡閱讀而店內的書藉係歡迎食客閱讀，今餐又要搶餸食，每枱只係上左十件西瓜，而我地個枱只係得九個人，而我係一件都分唔到，又係要多得個對國內小情侶，不過算啦食唔到都未係可惜....

餐廳出面及七星公園，雖然行程唔包去呢個景點，不過導遊話唔係咁值得入去！

桂林山水甲天下、陽朔山水甲桂林、興平山水甲陽朔，人民幣20元背面的圖案就係取自於桂林興坪縣的漓江。

到臨走時領隊及導遊都要分別收取服務費，因為跟團通常都會比Tip，而我真係覺得wing 成個團跟得好好而且亦每位團友都照顧到所以我自己額外再比左RMB100 tip，點知佢話我比得太多唔可以收，咁我唯有拎晒我d散紙出嚟比佢，Wing 話會將各位團友額外打賞的錢儲起，將來返家鄉時會買糖果及家鄉的小朋友，並告訴他們只要佢地做得好係會有奬勵，Wing個唸法對教導小朋友係好有幫助。其實5日我自己覺得比RMB100 都好少，因為人民幣匯率太高如果唔係我會再比多D，點知佢話多添....

以桂林興玶縣風景的人民幣20元

2013年6月25日星期二

桂林之旅~Day 4

今日遊覽的景點係遇龍河山歌對唱及鸕鷀捉魚、銀子岩、蝴蝶泉及陽朔西街酒吧！

第一次坐竹划遊河，感覺有點像回到古代，乘坐著竹划聽著山歌對唱感覺好特別，雖然已經沒有太濃厚的小數民族特色，而且更覺商業化！今次仲可以睇到鸕鷀捉魚，鸕鷀的嗅覺好靈敏，因為中國過度的發展令到好多地方都出現嚴重的工業污染，好多河流都已經污染了，所以鸕鷀已經唔再捉魚，但於桂林這個旅遊勝地，因為環保工作做得相對地較好，所以仍可以睇到鸕鷀捉魚，鸕鷀係幫漁民捉魚，捉到的魚係會比返漁民，只要河水仍然清澈鸕鷀會潛入水裏捉魚！

之後就去銀子岩，桂林現時最著名的溶洞就是銀子岩，洞內堆積在地面的岩柱稱為石筍，自頂端垂下的岩柱稱為鐘乳石，有時石筍、鐘乳石會連接成完成的石柱。此外，碳酸鹽凝結成1公分的岩柱需要100年的時間，因此桂林、陽朔等的溶洞都是經過數千萬年的時光塑造而成的，堪稱是大自然巧奪天工的傑作。

桂林第一個開發的岩洞係七星岩，因時代的催殘，七星岩已經變得暗淡無光，再無欣賞的價值，因為岩洞經過度的二氧化碳的傷害，岩石上的閃閃令而經全部消失，而且已經變為黑色，岩石全部氧化後已經變為黑色，所以現時七星岩已經退休...

於銀子岩入面最岩的岩石係瑤池仙景，於洞內可以見到河水的倒影，河水深不見底，實在美得如仙景般。其次係孔雀迎賓，經係激光的照射，照射出美容的孔雀形態！

銀子岩屬層樓式溶洞，貫穿十二座山峰、十七層樓高，包括下洞、大廳、上洞三大部分，彙集了不同地質年代發育生長的各種類型的鐘乳石。這裡特色景點數十個，以音樂石屏、廣寒深宮、雪山飛瀑為“三絕”，和佛祖論經、獨柱擎天、混元珍珠傘為“三寶”等的景點為代表。洞內鐘乳石高達數十米，晶瑩剔透。含有石英石、方解石微粒的鐘乳石在燈光的照射下折射出銀子般的光芒，故稱為“銀子岩”，被譽為“世界溶洞奇觀”。

參觀完銀子岩又係午餐的時候，今餐的餸仲少非常唔夠食，平價團就係咁，不能要求太多。

食完午餐返酒店休息左兩個鐘先至再去下一個景點陽朔西街，今日係去左一間西式餐廳飲下午茶，旅行社真係安排得唔好成地成團人有36人，但係佢無好好安排，因為cafe太細間，加上有些客人未走，所以我地去到無位坐，天氣又熱安排實在不善...

行完西街我地就去食晚飯，因為國內的團友離團，所以今晚的餸菜係夠太家食的！食完晚飯返酒店，我自己行左去酒店出面的小敗檔買左兩個芒果返房食，完來國內的芒果果肉會較實加上又甜好好味，兩個都只係RMB3！