神阻擋驕傲的人、賜恩給謙卑的人。(雅4:6): 5月 2013

2013年5月28日星期二

Bourjois~02 or baroque

眾裡尋它~~~原來近在咫尺，呢幾個星期不斷起度搵緊個隻金金綠綠的顏色原來我上年生日時已經買左只係我自己唔記得左，最後尋尋覓覓終於可以放下，因為我已經擁有了！

依加好多眼影都係一盒已經有晒光影、眼線、眼窩的顏色已經一一配搭好，用時真係好方便！

一個好靚的顏色，可惜的是Bourjois呢盒眼影唔係咁上色，要搽多幾下先至有少少色，如果可以搵同一隻色但係勁上色就好啦！

2013年5月27日星期一

遮瑕掃

化妝掃對於我嚟講真係每日都要用的工具，遮瑕掃其實都我係成日用，因為我自己面部的瑕疵唔係咁多，好多時都係睇心情要唔要遮下個黑眼圈。正正因為咁所以我支遮瑕掃都唔須要成日出動。

但係人總係貪心望舊，雖然我有兩支好好用的遮瑕掃，但係當我起sasa 見到呢支豹紋筆杆的遮瑕掃，我又忍唔住又買左，哈哈！完全係因為佢唔貴只係$15，就算唔好用都唔會肉赤。

掃係人造纖維，掃毛比較薄，用嚟遮大範圍的位置較佳，貼面度高，能夠將遮瑕膏推到好薄，以$15呢個質素真係超滿意。

廉價的化妝品牌有幾個品牌我自己係特別喜歡，其中一個係Bourjois，不過Bourjois近呢幾年售價開始越來越貴，所以每年都只會等生日個個月去買野，因為有少少discount。

呢個碎粉其實係上年生日時買，都放左起度幾個月，終於都可以出場，呢盒係我第二盒用的Bourjois loose powder，之前用過個隻碎粉已經停產左，所以今次買了以下的一款質地同效果更勝從前！

碎粉粉質好幼細，肉眼望上去都睇到係好幼滑，上面完全無剔粉，上完碎粉塊面仲好滑而且唔乾，真係好岩我呢個乾精用！碎粉依然都係有淡淡的花香，碎粉本身係好透薄，就算上多了都唔會有厚重的感覺。今次我買了01 peach，個顏色偏白了少少....

我自己就唔係好鐘意佢個盒的設計，因為好難用掃拎D 碎粉嚟用，我自己就會將成盒粉倒入我個anna sui 靚靚碎粉盒度，因為anna sui 個packing 本身係有一個好幼細的網，如果用掃嚟拎碎粉係超方便。

盒碎粉的份量比起一般碎粉為多一盒有32G，平時用開的品牌多數都係得25G，至於價錢方面係$168，真係平價碎粉的首選！

2013年5月26日星期日

菜圃炒蛋

我自問無煮野食的天份，所以都唔敢起度班門弄斧，依加上街食餐飯乜都貴，所以今日自己用一D簡單的材料製作了一道簡單的餸菜，既簡單又好快完成！

材料：雞蛋三隻、菜圃一包，見今日買菜送了一棵蔥所以切埋落去炒！

酸辣土豆絲

自從去過西藏成日都可以食到好好味的土豆絲之後，我對呢味餸菜真係好念念不忘！今次試下自己整嚟食下，原來製作方法好簡單，只要將薯仔刨絲之後浸水(左約三十分鐘的時間，其實浸到水清就可以)，將薯仔絲的澱粉質浸出，咁樣土豆絲食落就會好爽口。

材料：馬玲薯、辣椒、蒜頭
調味：鎮江醋、豉油

Nail Art~漸變效果

今次用左幾隻唔同顏色的指甲油，再加一塊海棉就可以做出呢個漸變的效果，個效果都幾靚，不過塊海棉起印指甲油的時候有少少爛所以甩左好多粒粒起甲面上......

首先，搽左白色的指甲油打底，再用海棉將不同顏色的指甲油印在指甲上，方向、條紋、顏色的配搭可以好隨意！印好晒之後等指甲油乾了之後再搽上面油就可以啦！

我就係用以下化妝用的濕粉上做到以上的效果！我多數都係用平時化完妝唔要個個粉卜乾淨個面呢整，務求將廢物用到盡為止！

2013年5月25日星期六

八方雲集

真係好鐘意食台灣的麵線，但係又無可能成日都飛去台灣，唯有起香港食個D 唔係係地道及有好多味精的麵線，今日就走左去八方雲集食左一個下午茶餐$19有一碗麵線及一杯豆漿。

麵線內有豬腸及貢丸，味精好重，價錢唔算十分抵！不過可以頂住先，我一定會再去台灣食一碗正宗的麵線！

2013年5月23日星期四

L'OREAL Revitalift Laser X3 全新活肌修護眼霜

L'OREAL 一出廣告推呢隻新產品我已經好想試，因為我好鐘意眼霜個設計，佢個探頭的設計可以幫助我按摩，等了又等，終於都比我見到萬寧大大大特價，我以$138的價錢就帶左佢返屋企 (原價係$228)，$138個價錢好合理，所以我唸都無唸就即刻拎左去比錢！

呢個眼霜滋潤度好足夠，夏天用岩岩我，眼霜個頭設計得好好，可以用嚟按摩眼底下的疲倦肌膚！眼霜亦有收緊的作用，呢個價錢真係好抵用！

Free makeup product

因為見到一個朋友搽左一隻金金綠綠色的眼影，第一眼見到已經好鐘意，不過又唔好意思問人地係用邊個牌子，於是我又四出咁搵緊一隻類似的顏色，試嚟試去都搵唔到我想見到個隻色，試左好唔同品牌，我覺得最接近我想要的顏色就係PUPA 礦物眼影(乾濕兩用)，呢個牌子係SASA的開架品牌，佢價錢一D 都唔平，一個眼影都要$118，如果雙色眼影嚟講佢都叫幾貴！

之後再行行下比我見到一支豹紋粉紅色柄的遮瑕掃，見佢$15又唔係十分貴所以買左返屋企試下佢好唔好用！

上次去SASA 買香水有幾蚊 SASA CASH $ 加上就快到期，但原來唔可以只係扣SASA CASH $，一定要同埋其他的CASH $一齊扣，就係咁我今次的扣物又變左便費，突然間我覺得自己好大駛，年頭的時候因為CASH $ 就快到期所以我一次過換左好多現金券，搞到自己負左差唔多$100 cash dollars 比銀行，事隔都唔夠3個月我還左個$100 cash dollars 比銀行之餘，我今次購物仲要係免費都不特止，我仲有幾十蚊cash dollars 剩....再咁買野落去我唸我好快要瞓街啦！！！

2013年5月18日星期六

亮麗睫毛 A2

今日要出席Freddy的婚宴，所以有一個扮靚靚的藉口，今日化妝兩個月前上化妝堂時學妝容，經過我自己少少的改動，眼睫毛我已經掌握到點黏，只係雙眼皮就仲有少少進步空間，因為我右眼實在係太難搞，好在我預左兩個鐘的時間化妝，咁先至可以修補一下失敗的部份，好在最後都能順利化出一個大眼妝。

之前因為要練習所以我買了一隻比較平的假眼睫毛來用，見好多人都係亮麗同公主李都係差唔多，而價錢就平好多，所以我就買左亮麗 ( $65/10對) 用來練習，其實我本來係想買A5個款，唔知最後點解帶左A2 (前短後長款) 返屋企，返到屋企先至睇到A2係透明梗，而透明梗部份就係魚絲，其實都幾驚吉眼，今日用左一日完全無吉眼，不過個假眼睫我實在係太重 (用公主李做對比)，所以戴起上嚟就唔係好舒服，加上條透明梗做起熱身上嚟係屈唔到我想要的眼形，變左貼上眼時就好難就返個位貼！下次要買返A5棉梗再試下個效果至得！

OPI~Get Your Number

因為要襯返我今晚晚宴著個條裙的顏色，所以我搽左上次買個盒指甲油，搵左成個盒都見唔到我今次搽個隻色的NO，不過反轉個樽見到有NLM46，唔知呢個係咪指甲油的NO呢?

迷子版的指甲油實在係太細支，好難楂住，不過都好順好易搽，呢隻指甲油好特別，乾左之後就自己變成啞色及凹凹凸凸咁，個texture好得意！

2013年5月17日星期五

香港園藝館~花友探訪發叔花場

之前參加了香港園藝館的探訪發叔花場，天公造美，今日天氣好好我們沿途大致都天氣放睛，我們約定了十一點半於粉嶺集合，之後就去蓬瀛仙館享用齋宴，齋菜十分之美味而且價錢相宜，一圍枱都只係$580，仲有成十款餸菜，因為同其餘的花友唔係太熟所以唔係咁方便叫佢地比我影左食物先至再食，食物相只係影得少少咋！

食飽飽之後，我地就分批搭的士入去發叔花場參觀！入到去太約一點半，今次花場入面好多花花都已經開晒，所以揀花時係會比較容易，但係我再入到去就無左之前個份喜悅，或者係去得太多次，因為之前有三盤花爛心所以今次主要的目的係買返三盤花補數！

今次我買左一盤石斛蘭$100，因為唔係好識種，等我試驗到可以令佢再生的方法我先至再種其他品種。其餘的兩盤係491 & 443 (各$40)

買完花之後我就離開花場，等左好耐小巴，可能之前落過雨所以蚊比較多，其間不斷有隻大蚊不斷飛來我身邊，本來已經搽了驅蚊的我，成日以為只係搽少少就可以敵攩所有的蚊，原來唔係家，蚊係好討厭香茅味，但係無搽到驅蚊用品的地方隻蚊就係咁飛埋去咬，於是我把心一環，拎支驅蚊搽晒所有皮膚外靈的地方，原來咁先至有效，好可惜的係手掌面已經失守...之後我拎左支驅蚊搖來搖去，隻蚊真係唔係再飛過嚟，如果無帶驅蚊液我兩條手真無得剩！