美味餃子店

因為金剛小儀的節目一出，而又引起我的食慾，見小儀講到呢間餃子超好味，見店鋪起太子都叫做幾就腳，所以我今日就去試左，因為金剛小儀效應實在係利害，所以去到都等左好耐，而等煎餃仲要等上一個鐘，我最怕係等，所以我就選擇了湯餃！

湯餃的湯底係野葛菜生魚湯，個湯有少少中藥味道，湯唔係太濃的湯，配搭於餃子真係十分好味。餃子皮唔會十分厚，餡料又足，10隻湯餃$29，價錢好大眾化，抵食！