Dr. Bauer Eye Wrinkle Ironer

又買左一部面部美容儀器，因為聖誕所以四圍都大減價，今日本來唸住去卓悅搵護膚品，點知無意中見到有一部眼部美容儀，見佢減價由$398減到$199，嘩！半價呀，唔買真係對唔住自己，加上我自己又無一部專為眼部而設的美容儀。

呢部機主要係去皺、減淡細紋、改善吸收護膚品能力、令皮膚緻、改善黑眼圈及按摩

這部儀器是通過微電流刺激皮膚真皮組織，促進血液循環，透過按摩增加皮膚吸收護膚品的能力。

儀器係使用3A電池，儀器並沒有設開關掣，只要手接觸到金屬部份再將按摩頭放在皮膚上，這個按摩儀就會啟動。

使用這個按摩器時會感覺到微微的暖意，相信並非是儀器自己本身會發熱，而是於按摩的過程探頭與皮膚接觸時間長了所感覺到的微暖。

用完這部機的即時感覺係眼部皮膚比較有光澤，皮膚緊緻了一點點，不過我只係用左兩次，等我再用多幾次再同大家分享個用後感。