九寨溝、黃龍之旅 Day 1

本來仲以為今年就唔到時間去旅行，因為佢轉左工所以要放一個幾長的假期，所以我起毫無準備下，沒有任何的planning 下，我地就決定了去九寨溝。雖然九寨溝都係我想去的地方，但係其實我自己的planning 本來係想去左埃及先，好可惜埃及現在係紅色旅遊警示，為了生命安全，佢唔准我地，跟住我想去的地方全部都係當地比較亂，所以揀無可揀下就去決定了去九寨溝。

十月係去九寨溝的旺季，又有所謂的 "十月金秋"，亦都係因為係九寨溝的旺季所以好多團都已經full 左，加上我地又係臨急臨忙咁出發，所以起無得選擇的情況下我地只可以跟團去，我地都係臨出發前幾日報名。亦都係因為無得揀所以今次報左一個好豪華的旅行團。今次選用的旅行社係永安。我完全無參予過這個報名的環節，因為我返工實在係太忙，跟本都無時間去理咁多！

好在佢得閒可以全部搞惦好晒。我就安心咁等到今日出發啦！其實我自己真係唔係好知九寨溝的天氣會係點，加上自己又比較怕凍所以今次又真係幾頭痕。

好怕好似上次出發去西藏咁個喼超重。好在今日check in 磅重時個喼都只係得7.6kg，真係好難想像點解上次去西藏個喼會有22kg，今日再唸返起真係有點兒嚇人...

今日乘搭19:45出發往成都，次次去親大陸班機都會延誤，今日亦都唔例外，好在唔係遲左好多咋。

雖然唔係好明點解去親大陸旅行，次次都係夜晚機，咁樣又浪費左一日，加上大陸機經常delay，搞到每次落機都要好夜先至返到酒店。今日去到酒店已經係凌晨12:30am...

同行出發的鴨鴨

很難食的飛機餐，上機前已經食左野打底，唔係實餓死

今晚入住的酒店