大尾督半天遊

已經幾個月無出過街玩，每日都係返工、返工&返工，生活真的乏味，返工咁辛苦只係可以賺得微薄的工資，又時真係唔明比我賺到錢又點，生命的意義都唔知係乜，每日只有返工時間，完全沒有放工的時間，唉！為乜呢

今日我當然唔會返工啦！無理由生日都同佢做呀嘛，如果我今日返工我都覺得自己有病囉！仲以為今日係去大尾督踏單車，由於時間配合唔到，入到去大埔已經差唔多六點，今日天氣唔係咁好，如果唔係呢個時間應該可以開始睇埋日落，因為太夜入到去，可以做的只係划船，好可惜問第一間租船的店鋪由於已經過左租船時間，所以無得租，初時都好失望，入到去大尾督乜都做唔到。於是佢又再走去間第二間，好在第二間仲有得租，但就限時要七點前還船。租船費用唔係好貴，一個鐘只係$30，原來撐船都幾辛苦，好在唔係我划，如果唔係一定會整到隻手痛晒。

划到出海感覺好舒服，秋風送爽，如果可以睇埋日落你話幾好呢！

划完船去左燒野食，我地駕車去呢度，起個地點SET 個地址SET 得唔好，差D就返唔到轉頭，好在最後都可以轉到頭，話咁快又去到目的地。

今年生日唔係食D 乜野好豐富的晚餐，但我無乜所謂只要過得開心就得啦！

呢個燒烤場仲有兒時成日玩的煙花，我望左好耐好想好想回到過去，但係咁大個人仲拎住呢D煙花真係好似唔知點咁，好在最後佢都買左比我玩，一盒都只係$30，仲可以滿足到我兒時的回憶，今個生日真係過到好開心！