AUBE~loose & line eyes

起執櫃的時候發現二年幾前個舊同事送給我的禮物，見都放左咁耐點都要開左去用，如果唔係變壞左就會浪費左啦！

我主要都係用眼線個部份，因為個眼線液係淺啡色，我畫左上眼後覺得效唔係太明顯，畫左同無畫無乜分別，所以佢即時入左冷宮，得物無所用，好在唔係要用比錢買咋！

Dead Sea Premier~Ageless Future Detoxifying Mask

終於都忍唔住用左Dead Sea Premier~Ageless Future Detoxifying Mask，因為我實在買了太多的護膚品，成日都唸住想用晒一瓶先至開另外一瓶，但係成日忍手，搵到我無辦法試下其他的產品，其實這個唸法一D 都唔好，應該一買左返嚟就即刻用左去，咁先至可以發掘到更多更好用更適合自己的產品。

今次用這個mask 比較特別，佢係一個深層清潔排毒mask，起香港專櫃買真係好貴，但係又真係貴得有道理！

Ageless Future Detoxifying Mask 含突破性成份Seamax Complex-a，在肌膚表面形成泡沫，促進肌膚排毒及細胞新陳代謝。此面膜能提升肌膚，打開並清除毛孔髒物，並輸入營養。使用後肌膚即時得到淨化、提升、緊緻，減淡細紋及皺紋。持續使用，去除老化角質，以達致細胞代謝，令肌膚煥然一新。

mask 本身係黃色的液體狀，當我推開時佢即時變會一陣泡抺，只要薄薄塗一層於面上，面上即時形成了一層厚厚的泡沫，我即時感覺到面上有一層bubble，不繼地爆破個感覺很特別，這層泡沫會淨化皮膚的毒素及毛毒內的污垢，當整個排毒過程完成後，皮膚上的泡抹會完全消失，之後該面膜停留在皮膚上數分鐘，再用暖上洗淨。

敷完這個mask感覺到皮膚前所未有的白滑，這個天氣用完後皮膚唔算乾，但冬天會就一定會乾囉！皮膚大大的收緊及提升，用這個來做深層清潔真係好正！

猴頭菇姬松茸茨實連子百合沙蔘湯

見d 猴頭菇開始變色，所以要盡快用晒佢嚟煲湯，今日這款湯用了我家的千年陳皮，有幾千年法，佢都年資都有成三十年家，這個年份的陳皮真係好貴家，用佢嚟煲湯藥用價值很高，小小的一角陳年果皮已經有很濃的味道！

猴頭菇、姬松茸、茨實、沙蔘、百合、瘦肉、果皮、扁豆、連子、蜜棗

RMK-Creamy Foundation

以前成日都聽人講話RMK的粉底又貼又好用，我終於都買左佢嚟試下，可能係聽得太多佢的好，我自己用過之後我真係唔覺得佢有幾好用囉，對於我呢D超乾皮膚佢唔算好貼，加上佢好快浮妝，粉底又易甩，佢絕對唔係我杯茶。

價錢方面，比起一般的粉底貴少少 $420/30g，呢個品牌我以後都唔會考慮！

水禮

今日出席了朋友Sue的水禮，亦都係我第一次出席朋友的水禮，回想自己三年前平平淡淡的浸禮，並沒有通知朋友，今日真的有點兒後悔，或者人生總是這樣，總是數年後才會後悔，成為基督後我的屬靈生命又得過如何呢？

今日令我回想了很多人生的點滴，我的人生總算行一段幾長的路，今日回想返原來有很多事情都錯過了，但時間一天一天的流逝今日已經再唔夠去追回惜日的錯過。我現在只能做的只係讓我的生命過得更充實！

今日牧師的分享真的是當頭棒喝，讓我想了好多好多我自己應該面對的事情。

這一年我的生活過得比平常人辛苦，無論學業、工作、愛情......每日沉重的工作已經今我沒有得到真正的休息，日覆日的工作，永無止境，我倦透！星期六、日一般人在休息的日子我都在作，同事已經取笑我每日要返四十八個鐘工，難道我想的？有時我真係不奇然望著個天問神，為何的生命過得如似的辛苦，為何神會為我安排一份如似辛苦的工作令我沒法得到休息？作為基督徒的我真的開始有點兒疑惑，更甚的是我已經想離開神的家....

今日講道的牧師係一個盲人，我看著他感到生命的微妙，仲然身體殘缺，但神都眷顧著我們，我在他的身上看到喜樂、平安。

牧師透過不同的方法將神的道理帶給我。如何讓人生沒有白過呢？

生命的意義又是甚麼呢？生活迫人，香港人普遍都係勞勞碌碌，牧師用了馬太福音的話語告訴我。
人若賺得全世界，卻賠上自己的生命，有甚麼益處呢？人還能拿甚麼換生命呢？(太16:26)
既然勞勞碌碌只可以賺到一份豐厚的收入，但這份勞勞碌碌的工作極有可能賠上我們的生命。

經過今天的一課我真的一認認真真咁反思一下我的人生！

牛蒡猴頭菇雪耳無花果湯

又到每星期的滋潤靚湯啦！我自己真係好鐘意飲湯，湯水又滋潤，但我自己就唔識得煲魚湯，雞又怕麻煩所以又係好少煲，所以煲嚟煲去都係用豬不同的部份去煲，經過左幾個月的研究，用瘦肉煲係無咁多油，岩晒我啦！今日煲的湯水又係一些家常湯，無乜特別，勝在湯渣全部都係我至愛隨左肉啦，，所以全部都可以食晒去，唔知點解我自己唔係咁鐘意食太多肉...

今日起街市買唔到新鮮牛蒡，唔知牛蒡係咪季節菜呢？成個街市都無得買，所以今日用左乾牛蒡，味道仲要比新鮮牛蒡濃味添！

材料：牛蒡、猴頭菇、雪耳、無花果、麥棗、南北杏、瘦肉

stocktake

，仲要一D 好好的同事招呼我，今次的stocktake 真係感恩，因為都尚算順利，真係唔係好明我次次入去個d 店鋪，個間鋪都會好旺好多客，搞到我次次都要起度呆等。

猴頭菇靈芝瘦肉湯

已經連續幾個星期都係飲青紅蘿蔔湯，今個星期要轉一轉個口味先，都係要快D 用晒盒靈芝去先得！

今日又係藥材湯，今次落靈芝的份晒雖然已經少了，但係湯仍然都係有少少苦，但都容易入口，多飲湯水皮膚都靚D！

唔理得佢苦定甜，總佑飲左有益就得啦！

材料：猴頭菇、靈芝、麥冬、黨參、沙參、北芪、薑片、瘦肉

餃子園

其實都唔知自己去左一間咩公司做，日日OT 都唔止，仲要星期六、日呢D公眾假期都要返工，今日分分鐘又要做到半夜，到六點幾我見肚餓所以出左去食個dinner先，本來係想食蝦子麵，我起條士丹利街行嚟行去都搵唔到我想去個間餐廳，所以都唔知食乜好，起條行無聊聊咁行到去呢間餃子園，咁就入左去食，我要左酸辣湯底韮菜餃，我見佢地係人手餃子，但係就好少少唔乾淨，包餃子時無帶手套，但係包餃子個叔叔又會去收錢，收完錢就咁就去包餃子...

至於個酸辣湯的味道就普通，但係個韮菜餃就幾好味，不過我好急咁食完就返左公司做野，希望明早兩點前可以離開公司返屋企...

Color Club AN23

嘩！一隻超靚的顏色，呢枝指甲油已經係上年買，但係等左成年先用，搽完之後勁鐘意呢隻色，呢個牌子的指甲油好快乾，而且好long lasting，平時我搽完之後過兩日就會甩左好多指甲要洗左去，但係呢個牌子搽左上手一個星期都無乜點甩，不過個掃頭就唔夠opi 大，指油都好柔順好易搽。

不過點都好我真係好鐘意呢個色...