今日phoebe 約左我一齊去發叔度買花，本來都已經好想再買多一盤，因為返工太辛苦種下花可以調劑下情緒。今日由旺角入去粉嶺，本來約左2:30點知早左半個鐘，不過科技的發達，只要有部電話真係唔會怕悶，可以打下機上下網，好快又過左半個鐘...
成年無見過phoebe啦！好開心今日可以一齊去買花及食飯。我今仲特登帶左我盤286+入去比發叔切十字，我種左年幾都係第一次拎盤花去切十字，希望分左家後我同phoebe個盤都可以健康成長及可以繼續開返十字花啦！
自從第一次去過發叔度係見過好多唔同品種開花，之後每次入去都係無乜花開，所以買花時好難揀，因為相同實物個顏色或多或少都入少少出入，我今次只係買左兩盤咋，其實都係無得揀的情況下才揀了這兩盤，分別係 S720 ($100) 及 S666 victorian treasure ($150)，仲買多左$20泥，希望經過今次發叔的教授，我個幾盤萎縮中的紫羅蘭可以好得返啦！
成年無見過phoebe啦！好開心今日可以一齊去買花及食飯。我今仲特登帶左我盤286+入去比發叔切十字，我種左年幾都係第一次拎盤花去切十字，希望分左家後我同phoebe個盤都可以健康成長及可以繼續開返十字花啦！
自從第一次去過發叔度係見過好多唔同品種開花，之後每次入去都係無乜花開，所以買花時好難揀，因為相同實物個顏色或多或少都入少少出入，我今次只係買左兩盤咋，其實都係無得揀的情況下才揀了這兩盤，分別係 S720 ($100) 及 S666 victorian treasure ($150)，仲買多左$20泥，希望經過今次發叔的教授，我個幾盤萎縮中的紫羅蘭可以好得返啦！
S720
S666 Victorian Treasure 都係發叔介紹我買，佢話鐘意噴點一定鐘意佢，我見就快開花所以帶左佢返屋企先
今次帶左我盤286+入去比發叔切十字，發叔手起分落不消一會，我中心位就由母體分左出嚟，而分出嚟個個主體就送左比phoebe
發叔見我種左咁耐都唔係好識種，所以將這個表送左比我，等我可以更了解紫羅蘭的狀況
今次發叔又送左包花肥比我呀，可能佢見我成日唔落肥以為我無，所以送比我啦！
呢盤係S742+ 超靚，可惜發叔又話未有多出的花出售，所以唔賣得比我，佢話我下次再去就可以賣比我啦！期待中...
沒有留言:
張貼留言