Pekkle Cutter

終於都買到把pekkle cutter，今次應該係pekkle第一次出cutter，cutter 呢d款大路的文具又唔知點解一直都無出過，反而個d 水樽一年就出了最少6款，真係估佢唔到，照計文具的消耗量應該會係大d，而文具呢d 產品應該個需求會比水樽來得大，希望sanrio 認真考慮出多d 實用d 的產品啦！
去了征服不下數十次，次次去到唔係呢樣賣晒就個樣無貨，真係激死人啦，今日去度只係可以買到幾星期前出個d 產品，你話係咪好嬲，尋日先至起fb 話有新貨，今日去到就話賣晒，有陣時真係嬲嬲地起sanrio 買算鬼數。起碼即時有新貨，加上成日咁搭車出去車費都蝕埋！
今次出的這把cutter 唔講得上係d 咩特別造型，我又唔覺得佢特別靚，反正又平平地只係$10一把，所以我就買住兩把先，但求有pekkle 份的用品我都希望可以日日陪伴著我的工作。
因為唔知第日仲會唔會再出，如果再出我今次大量入貨咁咪會好似之前咁比d 舊貨扎死晒！所以小小地買住兩把先！
今日好大膽問左個店員可唔可以上去新店的二樓參觀，原來二樓係可以上去，但係我一路行上去，後面就會有一個店員跟住我尾，呢種感覺一d 都唔好受，好似我會上去偷佢d野咁，所以我以後都唔會再去二樓睇野，二樓主要係放麵包超人及一d 舊貨，不上去參觀亦不覺可惜，費是比人地當我係賊仔。