本來決定上個月去捐血，但Louis 未捐過想我陪佢一齊去，我當然無所謂啦！但我上星期病了所以又再拖遲了，最後我們約了今天一起去捐血！因為岩岩先至病完，所以姑娘問清楚我幾時停藥及有沒有服用抗生素，姑娘建議下次如再有同樣的情況，如果有服有抗生素要停藥後兩星期才可以捐血，而普通的傷風藥一星期便可！
捐血對於我來講並非一件易事，除左係痛之外，今次的經驗係血壓低及出唔到血！
可能係第二次捐血已經有心理準備，所以無上一次咁痛，驗完血紅素後準備量血壓，姑娘問我上一次捐血出血易唔易，我答佢唔易，佢即時叫我去飲兩杯水，然後再為我量血壓，量血壓前姑娘問我夠唔夠瞓，及上一次捐血後的情況，我答佢上次捐完血暈足成個星期，姑娘聽後即時叫我唔好捐，佢話有些捐血者嚴重的話要於街上暈到。
我堅持要捐血，於是姑娘帶我去量血壓，一量完姑娘話我低血壓
！！今日不適宜捐血，然後問我平日飲水多唔多，因為我今日剛剛起身同Louis 食完野就去捐血，所以無乜飲到水，個姑娘聽後叫我坐一陣再量一量個血壓睇下會唔會正常返，但個姑娘都係強調叫我下次再去。過了一會兒再量血壓，我個血壓終於都正常返，其間起我隔離個位捐血者，因為出唔到血姑娘叫佢中止捐血把針拔出。於是我問個姑娘為何要終止捐血，姑娘話因為血液由身體輸出後會於短時間內凝結，而血液凝結後是沒有任何用途。
因為上次出血比較慢，所以姑娘今次分別起我左右手測試下，邊隻手出血會比較易，姑娘話正常係寫字個隻手出血會快d，好在姑娘測試後話我左右手都差唔多，最後都起我左手抽血！
其間我好奇問姑娘邊隻血型會比較罕有，姑娘答我罕有的血型並非我們平時聽的A, B, AB, O 這些，而是一些平時我們無聽過的名-->最後姑娘都係答我係罕有
我見反正都捐問姑娘我可唔可以捐450cc，姑娘答我你想捐都無得捐
，原來捐血的份量是跟體重，姑娘話我個體重只可以捐350cc。我今次好醒同姑娘講我唔打麻醉針，費是捱多一針嘛
！姑娘幫我拮針後同我講我下次再捐應該要打麻醉針，佢話我一拮針條血管即時收縮，這樣會影響出血。於是我同姑娘講返上次個打麻醉針經驗，我話一打完麻醉針就跟手拮針抽血，我係完全感覺到痛，姑娘解釋返，其實打麻醉針主要令血管唔好收縮，唔怪得知一打唔麻醉針就拮針抽血啦！終於都到捐血這個重要時刻，唉！一開始我d 血出得好慢，之後係停左無血出，部機不停起到b b 叫，姑娘係咁叫我放鬆d 唔緊要，捐唔到就算，我聽到個時唔開心。我同姑娘講我好想捐，個姑娘好好係咁幫我推隻手等D 血可以出得快D
，但係任由個姑娘點推部機都係b b 叫，好在最後我都完成這個捐血過程，我由15:58~16:17才可以完成個捐血過程，我望見我對面床個女仔人地4mins 就捐完，越唸越覺得自己麻鬼煩！下次捐血前要做的準備功夫：
- 要有充足的睡眠
- 要多喝開水
沒有留言:
張貼留言