淘寶~郵局取件

由完全唔知淘寶係乜，到依家大概都知道如何於淘寶購物。

因為順豐的運費實在係太貴，所以我今次試左去郵局自提，其實我都唔知郵局自提運費會係幾多，只係唸住方便，可以自己預時間去拎件。

香港郵政局與中通海外合作，如果一定要郵局取件的話快遞公司就一定要選用中通海外。

付款時選集運→中通海外→選自提點 (可參考淘寶集運教學)

賣家會用快遞將包裹送到中通海外的集運倉，之後等齊所有貨品送到集運倉後，選擇集運訂單。

系統會再計算總運費，付款後集運商就會將我的包裹送到香港郵政局。

中通海外於香港郵政局自提運費，首公斤RMB13，續重RMB4。

當郵件送抵郵政局後，中通會發一個領取郵件的短信到我的手提電話，入面會有一個領件密碼，之後就可以去郵局領取郵件的窗口出示領取郵件密碼，話咁易就可以拎到郵件。因為郵費集運時已經全付清，所以拎件時不用付款！

行李箱貼紙

成日去旅行見到人地個luggage貼滿鮮艷的貼紙，一直都好想買嚟怖置自己個luggage。

因為我個luggage係一個好平凡，而且大路的品牌，試過好多次起行李帶上見到件一模一樣的行李，為避免拎錯行李，所以想起個luggage上整多少少特徵上去。

萬能的淘寶真係咩都有得買，就連行李箱貼紙都可以訂造。其實仲有另外一間淘寶店有得訂造而且訂造價亦較平，但我與賣家聯絡了兩天仍沒有回覆；最後唯有選用這家店。

我訂造呢間淘寶店，相對價錢係比較貴，但係貼紙係用3M貼紙，所以貴少少都值。

今次選用了中通速遞及香港郵政自取點領取郵件，我淘寶的經驗較少，每次付款時都出現問題，今次買的價錢最少，浪費了很多時間reset password!

貼紙價格一點也不貴

10cm~15cm:RMB3 x 6
5cm~8.5cm:RMB2 x 11

因為知道郵局現在都可以拎件，所以我今次選擇了去郵局拎，呢件件重0.2kg。原來選擇去郵局拎會好件件運入去中轉倉，之後再付到郵局的運費便可。

今日終於都收到d貼紙，效果好好，有三款圖個解象度唔高，所以印出嚟唔係好靚，但係個店主已經一早告訴了我，所以沒有失望，而10~15cm的貼紙印出嚟係最好，之後會再大量訂購，務求可以貼到一個鴨鴨行李箱出嚟。

淘寶賣家：貼紙藝貼紙店

城門水塘

秋高氣爽又係一個好適合行山的天氣，今日一行十幾人一齊去城門水塘行山。

第二次行呢個地方，雖然係一個路痴，但隱約都記得點樣行。

全程不時見到好多馬騮，見到馬騮互相捉蝨，又有馬騮太餓去搶途人的麵包，以及馬騮爬入垃圾筒執垃圾食。

帶領行的朋友初時又話識路，行行下迷了路，佢講左一句超搞笑，地球係圓一定搵到路走，就係咁起城門水塘行左5個幾鐘，其間仲同兩個朋友失散左，呢次行山真係超搞笑。

今次有5隻柴犬陪我地一齊行，真係估唔到d狗狗可以行咁耐。行完今次山開始唔係咁驚狗了，其實狗都有溫馴、可愛的一面。

行完超攰，於是即刻去左今晚食海鮮的餐廳~金記海鮮飯店，點了十二道餸，超豐富的晚餐！海鮮都算新鮮，味道不過不失，食完又唔會太口渴，都ok 啦，最重要係我地有20人，可以包左佢樓上成層自用。

食完晚飯再去食甜品，超滿足的一天。

Keep going

閒逛花墟

眾裡尋牠，早排已經好想買一盤紫掌，奈何紫掌係比較少有的品種，所以唔係成日都可以搵到。

今日行渾整個花墟都只係見到一盤，所以就即刻買左去返屋企，我買呢紫掌$58購於鵬園花園園藝。

太耐無行過花墟，今日的花墟已經變得好高檔，好多間鋪今日都係賣精品盤栽，大部份的盤栽都包裝得好靚，每行入一間花鋪都有一種莫名其妙的興奮。

我自己對花花草草有著一種不解釋的緣。好想種植不同的植物，可惜地方所限，能力亦有限。

今日仲見到彩7的仙人掌，顏色真的好鮮艷，太美了，行一次花墟身心靈都好滿足。

近來好多人種的微型生態缸於繽紛已經有好多不同的款式，細盤$198，仲有一條小魚兒在盤栽內，真係有一刻心動想帶佢返屋企，經過多翻的考慮最後都放棄了，因為考慮到植物會長高，自己又唔係好識處理，所以都係唔買了。

羨慕背後……

當你在羨慕別人月薪幾十萬，住著別墅開著豪華跑車時，不知道人家在你這個年紀的時候曾夜夜加班，甚至是犧牲了部分健康。

當你在羨慕別人總能說走就走的旅行時，不知道人家其實有份穩定的工作，甚至他上有老下有小的壓力。

一切行為都有緣由，你看到的或許都是表面，不必羨慕，生活只在此處。

路是靠自己創造，無人一出生就可以擁有全世界，深信沒有不勞而獲，成功非僥倖， 何必羨慕呢!

每個成功的人背後都有自己的一個故事，而這個故事只會當事人才能體會當中的辛酸、苦與樂。

共勉之

Rachel K Mineral CC Pressed Powder

之前買cc cream 送左呢盒 mineral cc pressed powder，見盒碎粉用晒而我亦唔想收藏太多護膚品擺到就快過期，所以唔到呢盒粉餅好唔好用，我都要用晒佢。

睇返個包裝盒，Rachel K Mineral CC Pressed Powder，呢盒粉餅係4合1粉底，集遮瑕、防曬SPF15、粉底於一身。

已經試用了一星期，這盒粉餅單用就太薄，遮瑕度係0，個妝keep 唔到好耐，溶得好快，雖然有維他命E 的護膚成份，但都係偏乾，用掃拎d粉上妝，d 粉飛到四圍都係……粉底上面後妝容啞緻。

好在呢盒粉餅係免費，咁都無咁肉痛。隨盒附送的粉卜第一次用就爛了，質量極之唔好。