Pekkle 索袋

wahahaha......我終於都買到個pekkle 索袋啦！

講起呢個索袋真係一肚氣。

事緣星期一去左美寶買pekkle file時間約為6:30pm......
回家後同大家分享我個pekkle file 順便同大家講聲美寶無得賣呢個袋....
點知比我發現唔係美寶無得賣而係佢唔賣比我，當時好嬲.....
到星期三再見到其他blog 友留言話佢都係星期一去美寶係買到嬲上加嬲
之後打電話去嘈美寶，當時接聽個個係老闆 (男個個)
對話如下：
我：我係X小姐，你係唔係有個鴨仔索繩袋賣
老: 咩索繩袋呀，我都比你地問到莫名奇妙
我：鴨仔頭形個個袋呀
老: 我地從來都無賣過
我：無賣過無可能，星期一晚明明有人同你買左一個
老: 星期一....我只係賣左四個鴨仔file 比一個客，之後都無賣過鴨仔啦
我：個個咪係我離囉
老: 我...咁我知你係邊個，你同我買左好多年野嘛，我唔通唔做你生意咩，我真係無呢個貨，如果有都可能係好耐之前
我：無可能，咁人地做乜要話起你個到買，有無意思先
老: 我都唔知d人點解要咁講
我：咁D人中傷你有乜好處先，老闆我幫襯左你成十年，你無理由唔賣比我吖
老: 我點知喎，我真係無得賣，你唔信依家過嚟睇下，反正我開左門，仲話任我點搵都得喎--->真係當我低能，有你都收埋啦！仲同我講喎，只係得PC 狗，再三強調無入過鴨你索袋
我：依家係有兩個人起同一日話起你個度買到，唔通人地夾埋離屈你呀
老: D人真係莫名奇妙，尋日有人話我唔賣比佢又話要報海關，我地真係無賣，怕咩佢恐嚇。仲有一個仲離譜，自己起金都買左對鴨仔結婚公仔，買得好平，拎住對公仔去佢到鬧佢，話佢賣得貴，我真係唔知發生咩事，拎住D翻版野離同佢地講，又話自己從來都無賣過。
我：最後都費是同佢嘈，大話連篇咁
老: 得啦，我入左貨會第一時間通知你，我地打開門口做生意，唔會有貨都唔埋
我：心唸你唔係唔賣，只係揀人離賣姐
本來都無唸住寫出離，見咁岩先又比我買到，都係有感而發，起度要講一句，美寶你好巴閉咩，我都買到啦！你咁GE服務態度好難令我再會返去幫襯你囉！
呢個袋都唔算好貴只係$55。本來都無唸過會買得到，因為美寶唔再賣翻版，其實都無乜途徑係可以買到，但個天對我真係好，咁都比我遇上你

Pekkle file

因為豬流感，所以今日去左旺角。咁去旺角同豬流感有乜關係呀？

咪就係我個fd 怕我會死於豬流感，所以買定左d 口罩 & 消毒潔手啫哩比我。

初時我叫佢唔好買口罩，我話如果到時殺到埋HK。

個個人都戴晒口罩咁我仲駛乜戴喎，我唔戴都安全啦--->笑到佢死，又話我低能
就係咁我就可以順路去旺角買埋大家擁有左好耐的Pekkle file 
今次係第二次想幫襯征服世界，唉！又話無貨，又話要訂--->邊會等吖
一出佢門口直入美寶，好在美寶今次都有得賣！
一入到去老闆娘就問我，好耐無見啦--->心唸有幾耐呀，上個月都離過問八達通
今次個file$7一個幾抵用，不過返到屋企見雪藍留左言話出左個鴨鴨索袋，美寶今次係無得賣。大家不用上去啦！

正面

背面

Pekkle 筆袋

自從開始返學我個又殘又舊的筆袋又出動！個筆袋係我由讀書用到依家，想丟左去好多次，但每次都會從垃圾筒搭回來。

因為個款實在難求，相信都無乜機會會買得到，就算有相信都是天價。

唉！每次返學都唔敢張個筆袋放到枱面，因為佢實在太舊又好黃，怕放佢出來會被同學笑到我面黃，所以每次都放左d 筆起枱面就會收埋個筆袋。

最近終於都比我bid 到一個新的筆袋，設計亦後適合我，因為有兩層，其中一層可以放post-it，另外一層就可以放文具，非常方便。而且價錢亦不算貴 ($43) 。所以再買多一個自用！

這個是我用到好舊的筆袋，因為相機攝影的問題影唔到實際黃金金的情況！

Pekkle 八達通套

唉，昨天回家後知道pekkle 出左八達通套已經好想買

今次個八達通套都幾特別，可以放SD card 或者M2 card，係我一直想要的設計！

本來都無唸住會有時間撲過去買

但係又要慰藉一下我自己，事關岩岩考完試，唉!!!

咁就第一時間走去旺角買離哄下自己先啦。

唉！放學後山長水遠搭個地鐵咁碌過去，已經鎖定左目標去征服世界

連路過美寶個門口都唔想，咁就搭電梯上去即刻轉右

入到去見到吹水怪

我：唔該要3個鴨仔八達通套

吹水怪：搵、搵、搵......

擬似吹水怪(個樣似吹水怪)：鴨仔會出絹布公仔
我：幾時出呀？
擬似吹水怪：你預4月尾啦
吹水怪：咦無喎賣晒啦！
吹水怪：返左二十幾個一日就賣晒，個個都好似你咁入到離就話要3個
吹水怪：無啦！你過兩日過離買啦，我留返比你
吹水怪：一係咁啦你要埋門口個個
我：好！就係咁我買埋最後一個lu......
我：出左門口，心唸又話留返比我電話都無叫我留低，都唔知係唔係留比我ge，
我：唯有死死地氣走入美寶啦 (為左填補我考試後的壓力我點都要買夠數先至走的心態)
我：老闆娘，我要兩個鴨仔八達通套
老闆娘：八達通套，乜鴨仔出左八達通套呀！我幫你搵下啦
我：咁好啦，我走先啦！(就係咁我最終都係買得一個，唉！)
真係估唔到美寶竟然無入貨，我都有唸過佢真係唔知出左定係已經打定輸數會小左鴨鴨粉絲去幫襯佢呢？

金融海嘯對公司的沖擊

今日公司開了一個會話題都離不開討論金融海嘯對公司的沖擊

亦有討論這個金融海嘯對環球的影響，亦有提及美國一九三幾的大蕭條持續了7年，相信今次的金融海嘯可能會經歷更長的時間。

於金融海嘯下公司訂立了很清晰的方向，要起這個動盪的市場立於不敗之地！

而公司的管理層亦清楚知道這個時局有危、亦有機！

過去幾個月公司不斷節流，都深深體會到管理層的努力......

而集團主席Peter亦都再向各員工表明公司的三不政策：不裁員、不減薪、不偷工減料.....此政策有助穩定員工的士氣。

但最後都係討論到公司於這幾個月不斷想出節流的方法，講...講...講...其實放無薪假都係公司正在考慮的其中一個方案.....唉！公司表明到最差的時候亦會效法各大企業有關這方法的做法！---->其實個人都支持這個方案，總比裁員更好。可能起別人的眼裏放無薪假等同減薪。但是實際上依然有工作。只不過係多了幾天無薪休息日。對我來說可能是一件好事添！

最後，更舉出了幾個不同的國家面金融海嘯下如何對待員工，因國家的制度不同，好多國家都會一刀切--->裁員。這樣只會令經濟更加惡化！所以無薪假都幾好呀！

IPSA Pore Clear Base

IPSA 這個牌子都係我第一次用，之前睇雜誌見到出了一隻新的粉底已經好想買回來試用，奈何尚有存貨，所以暫且擱置。之後就買了同一系列出的其中一樣產品，中文名係毛孔淨化修飾霜，用於base之後、粉底之前。其實我自己無乜毛孔，只係見佢話可以控油，因為買之前上網睇過見到有好多人讚好用，所以才想買來一試。

包裝好像是一支唇膏咁，其實這枝毛孔修飾霜都幾貴 $240 (4g)，我用左兩個星期已經用了後多。不過用完之後我都唔會再買。因為唔係咁適合我用。
用後感：膏狀的設計方便使用，塗抹於易出油的T字位及毛孔粗大的地方用手指推開。質感好滑，能即時修飾毛，而凹凸的瑕疵都被填平。但控油效果並非十分理想。因現在使用的粉底是不防油，所以個妝會下午開始溶掉，而用了這個產品亦沒有明顯改善。(可能是膚質不同所引致的問題)
P.S. 今次去購物順便join 埋做會員 (免費) 送左一次修眉 (價值$150)，另外三個月內再到ipsa 購物可以獲贈水凝按摩霜 (10片裝) 乙份。之後再於三個月內再到ipsa 購物可以獲贈護膚服務。

ink Concealer Brush遮瑕掃

之前有個同事問我，佢話見到有一枝化妝掃覺得好靚，仲話模過枝掃d毛覺得好軟同好滑。咁我問佢做乜唔買？佢話又唔知個個係咩牌子，仲要索價$800(相信佢當時講個枝係碎粉掃)。當時佢都有問我話識唔識得ink 呢個牌子。個時我真係唔識佢。

但係近排我終於都搵到佢的來歷啦！

ink是由亞洲星級化妝大師Zing親手設計、最新人手打造的化妝掃系列，選用了最優質上盛的天然毛髮及人造纖維──俄羅斯紫眧、 北美松鼠及加拿大馬毛等。手柄用黑檀木經精細打磨而成，輕巧而結實耐用。

至於筆桿是用檀木製成，而檀木在中國自古以來亦用作筆桿，分為綠、紫、黑、紅檀木，黑檀特色是產量最少，密度最高、無味、輕身兼有辟邪作用，所以價格最貴。「ink」的化妝掃桿，正是以「檀中之尊」製造，為市面上的首創。一系列11支當中，掃桿有直、有弧，Zing話之所以如此設計，是根據不同掃使用時又有不同握法而製 。

令次我買左一枝Concealer Brush，其實化妝掃大大話話我都有幾十枝，真係好用ge又唔係咁多，每次有人讚某品牌好用，我都會買來一試，可能大家要求唔同！或者有些用家只要求其拎起件工具用到就算！而我，相信係一個超級麻煩精，每樣野都想十全十美,所以咪買買埋埋有好多囉。

ink 個專櫃設於金鐘連卡佛，個專櫃好簡單只係show 左d 化妝掃出離，眼見ink的眼部化妝掃設計都很等別，相信是設計師多年慮積所得的理念。

ink Concealer Brush係用100% 紫貂毛製成，手柄則選用黑檀木，形狀是中型刷毛，刷頭結實圓渾。(刷毛長度 : 16mm、手柄長度 : 96mm、總長度 : 141mm)

用後感：由於掃頭的設計較大，塗抹時可以完全覆蓋黑眼圈的範圍，用時會感覺到遮瑕掃與皮膚的緊貼，而用這枝掃的好處是可以令遮瑕膏更為貼薄。這枝遮瑕掃相比起bobbi brown 的遮瑕掃更超卓，因為bb 的掃是由纖維造成，塗抹時會是一行行及好厚的感覺。而ink這枝遮瑕掃對比起其他品牌的確貴了少少，但真係物超所值。我用過這枝遮瑕掃已經知道不用再試其他品牌lu！絕對值得推介！